തിരുവനന്തപുരം: പോത്തൻകോട് വിമുക്തഭടന് അളവിൽ കൂടുതൽ മദ്യം നൽകി മയക്കിയ ശേഷം മർദ്ദിച്ച് ഭീഷണിപ്പെടുത്തി ഒൻപത് പവൻ സ്വർണ്ണവും പണവും കവർന്ന കേസിൽ സ്ത്രീ ഉൾപ്പെടെ മൂന്ന് പേർ പോലീസിന്റെ പിടിയിലായി. ആറാലുംമൂട് സ്വദേശി ദീപ, മകൻ അഖിൽ, സുഹൃത്ത് പ്രകാശൻ എന്നിവരാണ് അറസ്റ്റിലായത്. ആലപ്പുഴയിലെ ഒരു ധ്യാനകേന്ദ്രത്തിൽ നിന്നാണ് പ്രതികളെ പോലീസ് പിടികൂടിയത്. പിടിയിലായ ദീപ മുൻപും ഹണിട്രാപ്പ് കേസിൽ പ്രതിയായിട്ടുള്ള ആളാണെന്ന് പോലീസ് വ്യക്തമാക്കി.
