ന്യൂദല്‍ഹി: ചരിത്രവിജയം കുറിച്ച് സഹകാര്‍ ഭാരതി-ബിജെപി സഹകരണസെല്‍ സഖ്യം നാഷണല്‍ കോര്‍പ്പറേറ്റീവ് യൂണിയന്‍ ഡയറക്ടര്‍ ബോര്‍ഡിന്റെ ഭരണത്തില്‍. ഇരുപതില്‍ പത്തൊമ്പത് സീറ്റും നേടിയാണ് വിജയം. പത്ത് സീറ്റില്‍ എതിരില്ലാതാണ് സഖ്യ സ്ഥാനാര്‍ത്ഥികള്‍ തെരഞ്ഞെടുക്കപ്പെട്ടത്. അഞ്ച് വര്‍ഷമാണ് ഡയറക്ടര്‍ ബോര്‍ഡിന്റെ കാലാവധി.
സഹകാര്‍ ഭാരതി രക്ഷാധികാരി ദിനനാഥ് ഠാക്കൂര്‍, ഇഫ്‌കോ ചെയര്‍മാന്‍ ദിലീപ് ഭായ് സംഘാനി, എന്‍സിഡിഎഫ്ഐ ചെയര്‍മാന്‍ മിനെഷ് ഷാ, ക്രിബ്കോ ചെയര്‍മാന്‍ ബിപിന്‍ പട്ടേല്‍, നാഫെഡിന്റെ മോഹന്‍ഭായ് കുന്ദരിയ, എന്‍സിസിഎഫ് ചെയര്‍മാന്‍ വിശാല്‍ സിങ്, വിനയ് കുമാര്‍ ഷാഹി, മഹാരാഷ്‌ട്രയിലെ പ്രവീണ്‍ ദാരേക്കര്‍, ജി.ടി. ദേവഗൗഡ, മണിപ്പൂരിലെ ഗിന പോട്സംഗ്ബം, ഗുജറാത്തിലെ ഘനശ്യാം അമിന്‍, ഉത്തര്‍പ്രദേശിലെ ധനഞ്ജയ് സിങ്, കര്‍ണാടകയിലെ എച്ച്.കെ. പാട്ടീല്‍, ലഖ്നൗവില്‍ നിന്നുള്ള മുദിത് വര്‍മ്മ, ബെളഗാവിയില്‍ നിന്നുള്ള അണ്ണാസാഹേബ് ജോല്‍ഹെ, മഹാരാഷ്‌ട്രയില്‍ നിന്നുള്ള നകുല്‍ കാഡു തുടങ്ങിയവരാണ് വിജയിച്ചത്. സഹകാര്‍ ഭാരതി ദേശീയ ജനറല്‍ സെക്രട്ടറി ദീപക് ചൗരസ്യ കേന്ദ്ര സര്‍ക്കാര്‍ നാമനിര്‍ദ്ദേശം ചെയ്ത പ്രതിനിധിയാകും.
