കൊച്ചി: സ്നേഹത്തിന്റെ വെളിച്ചം പകര്ന്ന് സാന്ത്വനത്തിന്റെ പരിചരണവുമായി ഈശ്വരീയ നിഷ്ഠയോടെ എത്തുന്ന ദേശീയ സേവാഭാരതി പാലിയേറ്റീവ് പ്രവര്ത്തകരുടെ സുകൃത സംഗമം പുണ്യംപകരുന്നതായിരുന്നു. എളമക്കര ഭാസ്കരീയം കണ് വെന്ഷന് സെന്ററില് ദേശീയ സേവാഭാരതിയുടെ സംസ്ഥാനത്തെ 140 കേന്ദ്രങ്ങളില് നിന്നുള്ള 1400 സന്നദ്ധസേവകരുടെ സംഗമം ദൈവികമായ ഒത്തുചേരലായി.
സേവനങ്ങള്ക്കും പരിചരണങ്ങള്ക്കുമായി സേവാഭാരതി പ്രവര്ത്തകരെ എങ്ങനെ സമീപിക്കാമെന്ന സംശയങ്ങള്ക്ക് മറുപടിയായി ‘വിളിക്കാനൊരു നമ്പര്’ പ്രഖ്യാപനമായിരുന്നു സംഗമത്തിന്റെ ഒരു സവിശേഷത. ഓരോ ജില്ലയിലും ഓരോ നമ്പരുണ്ടാകും. അതിലൂടെ സേവാഭാരതിയുമായി ബന്ധപ്പെടാനും നമ്പറിലൂടെ ലൊക്കേഷന് കണ്ടെത്തി അവിടെ സേവനവുമായി എത്താന് സാധിക്കുമെന്നതാണ് ഇതിന്റെ പ്രത്യേകത.
ഭാരതത്തില് ഏറ്റവും കൂടുതല് പാലിയേറ്റീവ് സംവിധാനമുള്ള സംസ്ഥാനമാണ് കേരളം. അതനുസരിച്ചുള്ള അവബോധവും ജനങ്ങള്ക്കുണ്ടെങ്കിലും മെഡിക്കല് സഹായ പരിമിതിയുണ്ടെന്നതാണ് വസ്തുത. ഈ സാഹചര്യത്തിലാണ് സാന്ത്വനം എന്ന ചിന്തയില് സേവാഭാരതി കടന്നുവരുന്നത്. പരിശീലനം ലഭിച്ച സന്നദ്ധ പ്രവര്ത്തകരാണ് 140 യൂണിറ്റുകളിലായി പ്രവര്ത്തിക്കുന്നത്.
എണ്ണൂറിലധികം പഞ്ചായത്തുകളില് ഈവര്ഷം പ്രവര്ത്തനം വ്യാപിപ്പിക്കുകയും 250 യൂണിറ്റുകളായി ഉയര്ത്തുവാനുമാണ് സേവാഭാരതി ലക്ഷ്യമിടുന്നത്. മെന്റല് ഹെല്ത്ത് ഇന്സ്റ്റിറ്റ്യൂട്ടായ നിംഹാസുമായി ചേര്ന്ന് 50 സബ് സെന്ററുകളും ആരംഭിക്കും.
വ്യക്തിപരമല്ല, സുകൃതമായാണ് ഓരോ പ്രവര്ത്തകനും സേവാഭാരതി പ്രവര്ത്തനത്തെ കാണുന്നത്. ‘ലോകഹിതം മമ: കരണീയം’ എന്നതാണ് സേവാഭാരതി മുന്നോട്ട് വയ്ക്കുന്ന ആപ്തവാക്യം. അവശതയനുഭവിക്കുന്നവര്ക്ക് എന്ത് സഹായമാണ് വേണ്ടത,് പൂര്ണമനസോടെ ആ സഹായം എത്തിക്കാനാണ് ശ്രമിക്കുന്നത്.
പാലിയേറ്റീവിനതീതമായ സങ്കല്പ്പമാണ് സുകൃതത്തിന്റേത്. ഇതാദ്യമായാണ് പാലിയേറ്റീവ് കേന്ദ്രങ്ങളില് അഹോരാത്രം സേവനമനുഷ്ഠിക്കുന്ന സന്നദ്ധപ്രവര്ത്തകര്, ഡോക്ടര്മാര്, നഴ്സുമാര്, കോര്ഡിനേറ്റര്മാര് എന്നിവരെ ഒരേ വേദിയില് അണിനിരത്തി സുകൃത സംഗമം നടക്കുന്നത്. സംഗമത്തില് പങ്കെടുത്തവരെല്ലാം കൈകള് ഉയര്ത്തി പരസ്പരം കോര്ത്ത് പിടിച്ച് സേവാപ്രതിജ്ഞയെടുത്താണ് മടങ്ങിയത്.
സേവാഭാരതി: വിളിക്കാനൊരു നമ്പര്
8330083324-സംസ്ഥാന ഹെല്പ്പ്ലൈന്
തിരുവനന്തപുരം: 9188404601
കൊല്ലം: 9188404602
പത്തനംത്തിട്ട: 9188404603
ആലപ്പുഴ: 9188404604
കോട്ടയം: 9188404605
ഇടുക്കി: 9188404606
എറണാകുളം: 9188404607
തൃശൂര്: 9188404608
പാലക്കാട്: 9188404609
മലപ്പുറം: 9188404610
കോഴിക്കോട്: 9188404611
വയനാട്: 9188404612
കണ്ണൂര്: 9188404613
കാസര്കോട്: 9188404614
ജന്മഭൂമി ഓണ്ലൈന്