തിരുവനന്തപുരംകാലിക്കറ്റ്, കേരളാ സര്വകലാശാലകള് തിങ്കളാഴ്ച നടത്താനിരുന്ന പരീക്ഷകള് മാറ്റിവച്ചു. ലോകകപ്പ് ഫൈനല് മത്സരം അര്ദ്ധരാത്രി 12.30 മുതല് നടക്കുന്നത് പ്രമാണിച്ചാണിത്.
നേരത്തേ സംസ്ഥാനത്തെ മുഴുവന് വിദ്യാഭ്യാസ സ്ഥാപനങ്ങള്ക്കും സര്ക്കാര് അവധി പ്രഖ്യാപിച്ചിരുന്നു. വിദ്യാര്ഥികളുടെ ആവശ്യം പരിഗണിച്ചാണ് തീരുമാനമെന്ന് വിദ്യാഭ്യാസമന്ത്രി എന് ഷംസുദീന് പറഞ്ഞു. പ്രൊഫഷണല് കോളേജുകള്ക്കും അവധി ബാധകമാണ്.
അവധി സംബന്ധിച്ച് സംസ്ഥാന സര്ക്കാര് ഉത്തരവിറക്കി. കായിക മേഖലയെ പ്രോത്സാഹിപ്പിക്കുന്ന സംസ്ഥാന സര്ക്കാര് നയത്തിന്റെ ഭാഗമായി ഫിഫ ലോകകപ്പ് ഫുട്ബോള് ഫൈനല് മത്സരം നടക്കുന്ന 2026 ജൂലൈ 20 തിങ്കളാഴ്ച സംസ്ഥാനത്തെ പ്രൊഫഷണല് കോളേജുകള് ഉള്പ്പെടെയുളള എല്ലാ വിദ്യാഭ്യാസ സ്ഥാപനങ്ങള്ക്കും അവധി അനുവദിക്കുന്നു എന്നാണ് ഉത്തരവില് പറയുന്നത്. മുന് നിശ്ചയിച്ച പ്രകാരമുള്ള പി എസ് സി / യൂണിവേഴ്സിറ്റി പരീക്ഷകള്ക്ക് മാറ്റമുണ്ടായിരിക്കില്ലെന്നും ഉത്തരവിലുണ്ട്.
