ന്യൂദല്ഹി: ‘ജുഡീഷ്യല് പ്രഖ്യാപനങ്ങളില് സംയമനവും മിതത്വവും കൈവിടരുതെന്ന് സുപ്രീം കോടതി കേരള ഹൈക്കോടതിയെ ഓര്മ്മിപ്പിച്ചു.
തൃശൂരിലെ പ്രിന്സിപ്പല് സബ് ജഡ്ജിയെ പരിശീലനത്തിനായി അയയ്ക്കാനുള്ള ഹൈക്കോടതിയുടെ നിര്ദ്ദേശം റദ്ദാക്കിക്കൊണ്ടായിരുന്നു ഈ ഓര്മ്മപ്പെടുത്തല്. ജഡ്ജിക്കെതിരെ ഹൈക്കോടതി നടത്തിയ പ്രതികൂല പരാമര്ശങ്ങള് ജസ്റ്റിസുമാരായ സഞ്ജയ് കരോള്, വിപുല് എം പഞ്ചോളി എന്നിവരടങ്ങിയ ബെഞ്ച് റദ്ദാക്കുകയും ചെയ്തു.
അപ്പീല് കോടതികള് കീഴ്ക്കോടതി ജഡ്ജിമാരോട് ഒരു സുഹൃത്തിന്റെയും തത്ത്വചിന്തകന്റെയും വഴികാട്ടിയുടെയും മനോഭാവം സ്വീകരിക്കണമെന്ന് സുപ്രീം കോടതി പറഞ്ഞു.
ഒരു കുടുംബ വില്പത്രം തര്ക്കത്തില് വിചാരണ കോടതിയുടെ കണ്ടെത്തലുകള് റദ്ദാക്കിയ കേരള ഹൈക്കോടതി വിധിക്കെതിരായ അപ്പീല് പരിഗണിക്കുകയായിരുന്നു കോടതി.
