ഹൈദരാബാദ്: രണ്ടാം ക്ലാസുകാരന് കൽമ ചൊല്ലൽ ഗൃഹപാഠമായി നൽകിയ അധ്യാപകന് സസ്പെൻഷൻ . തെലങ്കാനയിലാണ് സംഭവം. ഹിന്ദുവായ രണ്ടാം ക്ലാസുകാരനെയാണ് കൽമ ചൊല്ലാൻ പഠിപ്പിക്കാൻ അധ്യാപകൻ ശ്രമിച്ചത്. കുട്ടിയുടെ മാതാപിതാക്കളാണ് , തങ്ങളുടെ ആറ് വയസ്സുള്ള മകനോട് ഇസ്ലാമിക പ്രാർത്ഥനകൾ ഗൃഹപാഠമായി പഠിക്കാൻ ആവശ്യപ്പെട്ടതായി കാട്ടി പരാതി നൽകിയത് .
ഈ വിഷയത്തിൽ സ്കൂൾ നടപടിയെടുക്കുകയും അധ്യാപികയായ ഷെയ്ഖ് ആയിഷ പർവീണിനെ പിരിച്ചുവിടുകയും ചെയ്തു. “സക്സസ് ഗ്രൂപ്പ് ഓഫ് എഡ്യൂക്കേഷൻ ഇൻസ്റ്റിറ്റ്യൂഷനുകളിൽ ഭാവിയിൽ ഏതെങ്കിലും ജോലിക്ക് അപേക്ഷിക്കുന്നതിൽ നിന്ന് ശാശ്വതമായി അയോഗ്യയാക്കി “ എന്നാണ് സ്കൂൾ മാനേജ്മെന്റ് നൽകിയ അറിയിപ്പ്.
കഴിഞ്ഞ ദിവസം കുട്ടി സ്കൂളിൽ നിന്ന് വീട്ടിൽ തിരിച്ചെത്തിയപ്പോൾ ഗൃഹപാഠ ഡയറിയിൽ ഒന്നും രണ്ടും കൽമയും ഫാത്തിഹയും ചൊല്ലാനുള്ള നിർദ്ദേശങ്ങളുണ്ടായിരുന്നു. തുടർന്ന് വിദ്യാർത്ഥിയെ സ്വന്തം മതത്തിന് വിരുദ്ധമായ മതവിദ്യാഭ്യാസം നടത്താൻ നിർബന്ധിച്ചതിനെ കുറിച്ച് മാതാപിതാക്കൾ സ്കൂൾ മാനേജ്മെന്റിനോട് ചോദിച്ചു.
ഡയറിയിൽ മുൻപും സമാനമായ കാര്യങ്ങൾ എഴുതിയിരുന്നെങ്കിലും പിന്നീട് അത് നീക്കം ചെയ്തിരുന്നുവെന്ന് കുട്ടിയുടെ മാതാപിതാക്കൾ പറഞ്ഞു . എല്ലാ വിദ്യാർത്ഥികൾക്കുമുള്ള നിർബന്ധിത മതപരമായ പ്രവർത്തനമായിട്ടാണ് സ്കൂൾ ആദ്യം അസൈൻമെന്റിനെ വിശേഷിപ്പിച്ചതെന്നും എന്നാൽ പിന്നീട് പരാതി വന്നതോടെ അബദ്ധത്തിൽ പറ്റിയതാണെന്ന് പറഞ്ഞ അധ്യാപകനെ രക്ഷപെടുത്താനും ശ്രമിച്ചു.
ബിജെപി നേതാക്കൾ വിദ്യാർത്ഥിയുടെ കുടുംബവുമായി കൂടിക്കാഴ്ച നടത്തി സ്കൂളിനെതിരെ കർശന നടപടിയെടുക്കണമെന്ന് ആവശ്യപ്പെട്ടു. വിദ്യാർത്ഥികൾക്ക് മത വിദ്യാഭ്യാസം നൽകുന്നുണ്ടെന്നും സ്ഥാപനത്തിന്റെ പ്രവർത്തനങ്ങളെക്കുറിച്ച് സമഗ്രമായ അന്വേഷണം നടത്തണമെന്നും അവർ ആവശ്യപ്പെട്ടു.
