ന്യൂദല്ഹി: ബംഗ്ലാദേശിലും നേപ്പാളിലും ശ്രീലങ്കയിലും നടന്നതുപോലെയുള്ള ഒരു വിദ്യാര്ത്ഥി കലാപം ആസൂത്രണം ചെയ്യാന് ദല്ഹിയില് സമരം ചെയ്യുന്ന സിജെപി എന്ന കോക്രോച്ച് ജനതാ പാര്ട്ടിക്ക് പിന്നില് ആം ആദ്മി പാര്ട്ടി തന്നെയാണെന്ന് തെളിഞ്ഞു. നിരാഹാരവുമായി കഴിയുന്ന പരിസ്ഥിതി പ്രവര്ത്തകനായ സോനം വാങ്ചുകിനെ കാണാന് കഴിഞ്ഞ ദിവസം അതീഷി ഓടിയെത്തിയതോടെയാണ് ഇതിന് പിന്നില് ആം ആദ്മി പാര്ട്ടി തന്നെയാണെന്ന് വെളിപ്പെട്ടത്.
കോണ്ഗ്രസോ മറ്റ് ഇന്ത്യാമുന്നണിയിലെ സിപിഎം ഒഴികെയുള്ള മറ്റു പാര്ട്ടിക്കാരോ ഇതുവരെ സമരവേദിയില് എത്തിയിട്ടില്ല. സിപിഎമ്മിന്റെ എംഎ ബേബി സിജെപി വേദിയില് എത്തിയിരുന്നു. അതേ സമയം സ്ഥിരം സമരക്കാരിയായ സിപിഐയുടെ ആനി രാജ എത്തിയില്ലെന്നത് കൗതുകമുണര്ത്തുന്നു. നേരത്തെ സിജെപി നടത്തിയ ഒരു റാലിയില് പങ്കെടുത്ത ആനി രാജയ്ക്ക് നേരെ ആക്രമണുണ്ടായിരുന്നു. ഇതേ തുടര്ന്ന് അവര് ആശൂപത്രിയിലായിരുന്നു.
സിജെപി സമരം 17 ദിവസം പിന്നിട്ടിട്ടും കേന്ദ്രവിദ്യാഭ്യാസമന്ത്രി ധര്മ്മേന്ദ്ര പ്രധാന് രാജിവെയ്ക്കണമെന്ന ആവശ്യമുയര്ത്തി സമരം ചെയ്യുന്ന സിജെപിയുടെ വേദിയിലേക്ക് വിദ്യാര്ത്ഥികള് എത്തിച്ചേരുന്നില്ല എന്നതാണ് വാസ്തവം. നീറ്റ് പരീക്ഷാവിവാദങ്ങളുടെ പേരില് രാഹുല് ഗാന്ധി രാജസ്ഥാനില് പലയിടങ്ങളിലും നടത്താന് ഉദ്ദേശിച്ച വിദ്യാര്ത്ഥി പ്രകടനങ്ങള് റദ്ദാക്കി. രാഹുല് ഗാന്ധി ഈ യോഗങ്ങള്ക്ക് എത്തിച്ചേരാത്തതിനാലാണ് ഈ വിദ്യാര്ത്ഥി സമരങ്ങള് റദ്ദാക്കിയത്. എന്തുകൊണ്ടാണ് ഒരു മാസമായി വിദേശത്ത് കഴിയുന്ന രാഹുല് ഗാന്ധി നേരത്തെ നിശ്ചയിച്ച പരിപാടികളില് പോലും പങ്കെടുക്കാതിരിക്കുന്നത് എന്നത് ആശങ്ക യുണര്ത്തുന്നു.
നേരത്തെ ആം ആദ്മി പാര്ട്ടിയുമായി സഹകരിക്കുന്നവരും കടുത്ത ബിജെപി വിരുദ്ധ നിലപാടുകാരുമായ പലരും സമരവേദിയില് എത്തുന്നുണ്ട്. സ്റ്റാന്ഡപ് കൊമേഡിയന് കുനാല് കമ്ര, ബോളിവുഡ് നടി സ്വര ഭാസ്കര്, നടന് പ്രകാശ് രാജ് എന്നിവര് ഇക്കൂട്ടത്തില് പെടുന്നു. ആരൊക്കെ പങ്കെടുത്തിട്ടും സമരവേദി ശുഷ്കമാണെന്നത് ആശങ്കയുണര്ത്തുന്നു.
