അരുണാചല്പ്രദേശ്: 158 വര്ഷങ്ങളുടെ ഇടവേളയ്ക്ക് ശേഷം അരുണാചല് പ്രദേശില് വീണ്ടും അപൂര്വ്വമായ ഹിമാലയ പുഷ്പം പൂത്തു. സ്യാനന്താസ് ഹൂകേരി എന്ന പേരുള്ള പര്പ്പിള് നിറമാര്ന്ന പൂക്കളുള്ള ചെടിയാണ് നിറയെ പൂത്തിരിക്കുന്നത്.
അരുണാചല് പ്രദേശിലെ ചുന താഴ്വരയാകെ ഈ പൂക്കളാല് നിറഞ്ഞിരിക്കുകയാണ്. ഒരു തരം പര്പ്പിള് വസന്തം തന്നെയാണ് ഇവിടെയുള്ളത്.
സമുദ്രനിരപ്പില് നിന്നും 3600 മീറ്റര് ഉയരത്തിലാണ് ഈ താഴ് വര സ്ഥിതിചെയ്യുന്നത്. ഇവിടെ നിരവധി അപൂര്വ്വ ഇനങ്ങളില് പെട്ട ചെടികള് അതിജീവനത്തിനായി കഷ്ടപ്പെടുന്നു. ഇതിനു മുന്പ് സ്യാനന്തസ് ഹൂകേരി എന്ന ചെടികള് ഇവിടെ പൂത്തത് 1867ലാണ്. ബ്രിട്ടീഷുകാരനായ സസ്യശാസ്ത്രജ്ഞനായ സര് ജോസഫ് ഡാള്ട്ടന് ഹൂക്കര് ആണ് 1867ല് സിക്കിമില് ഇതേ പൂക്കള് വിരിഞ്ഞതായി ഇതിന് മുന്പ് അടയാളപ്പെടുത്തിയത്.
