തൃശ്ശൂര്: വൈദ്യുതി തടസം സംബന്ധിച്ച വിവരങ്ങള് പൊതുജനങ്ങളെ അറിയിക്കാന് ഓരോ കെഎസ്ഇബി സെക്ഷന് പരിധിയിലും ജനപ്രതിനിധികളെ ഉള്പ്പെടുത്തി വാട്സ്ആപ്പ് ഗ്രൂപ്പുകള് സജീവമാക്കണമെന്ന് വൈദ്യുതി മന്ത്രി സണ്ണി ജോസഫ് നിര്ദേശിച്ചു. ഉപഭോക്താക്കളോട് സൗഹാര്ദ്ദത്തോടെ പെരുമാറണമെന്നും ഫോണ്വിളികള്ക്ക് കൃത്യമായി പ്രതികരിക്കണമെന്നും മന്ത്രി ആവശ്യപ്പെട്ടു. തൃശ്ശൂര് കളക്ടറേറ്റില് ചേര്ന്ന ജനപ്രതിനിധികളുടെയും കെഎസ്ഇബി ഉദ്യോഗസ്ഥരുടെയും യോഗത്തിലായിരുന്നു ഈ നിര്ദേശങ്ങള്.
ഉത്പാദനം, വിതരണം, പ്രസരണം എന്നിവയിലെ പ്രശ്നങ്ങള്ക്ക് പരിഹാരം കാണാന് മണ്ഡലതല സമിതികള് കൂടുതല് സജീവമാക്കണം, തദ്ദേശസ്ഥാപന അധ്യക്ഷന്മാരെയും കെഎസ്ഇബി ഉദ്യോഗസ്ഥരെയും ഉള്പ്പെടുത്തി രണ്ടോ മൂന്നോ മാസത്തിലൊരിക്കല് അവലോകന യോഗങ്ങള് നടത്താന് എംഎല്എമാര് മുന്കൈ എടുക്കണം എന്നിവയായിരുന്നു മറ്റു നിര്ദേശങ്ങള്. വൈദ്യുതി തടസങ്ങള് സമയബന്ധിതമായി പരിഹരിക്കാനും പൊതുജനങ്ങള്ക്കായി വൈദ്യുതി സുരക്ഷാ ബോധവത്കരണ പരിപാടികള് സംഘടിപ്പിക്കാനും കെഎസ്ഇബി ശ്രദ്ധിക്കണമെന്ന് മന്ത്രി പറഞ്ഞു.
ആയിരത്തിലധികം പുതിയ ട്രാന്സ്ഫോര്മറുകള് വാങ്ങിയിട്ടുണ്ടെന്നും ആറുമാസത്തിനകം അവ സ്ഥാപിക്കുമെന്നും കെഎസ്ഇബി അറിയിച്ചു. സോളാര് കണക്ഷനുകള് നല്കാനുള്ള ശേഷി ഇതോടെ വര്ധിക്കുമെന്നും അധികൃതര് അവകാശപ്പെട്ടു.
