തിരുവനന്തപുരം: നിയമനത്തട്ടിപ്പ് അന്വേഷിക്കുന്ന ക്രൈം ബ്രാഞ്ച് സംഘത്തിന് നേതൃത്വം നല്‍കുന്ന ഐ ജി അജിത ബീഗം പിഎസ്സി ആസ്ഥാനത്തെത്തി ചെയര്‍മാന്‍ എം ആര്‍ ബൈജുവുമായി സംസാരിച്ചു.ഒരു മണിക്കൂറോളം നടന്ന കൂടിക്കാഴ്ചയില്‍ അന്വേഷണരീതിയും ആവശ്യമായ രേഖകളെ കുറിച്ചും ചര്‍ച്ച ചെയ്‌തെന്നാണ് വിവരം.ക്രൈം ബ്രാഞ്ച് അന്വേഷണവുമായി സഹകരിക്കാന്‍ ഇന്ന് പിഎസ്സി ബോര്‍ഡ് യോഗത്തില്‍ തീരുമാനിച്ചിരുന്നു.
അതേസമയം, അന്വേഷണത്തിന് ആവശ്യമായ രഹസ്യ സ്വഭാവമുള്ള രേഖകള്‍ പി എസ് സി കൈമാറുമോ എന്നതില്‍ വ്യക്തത വന്നിട്ടില്ല. ചട്ടങ്ങളും നിയമങ്ങളും അനുശാസിച്ചുള്ള രേഖകള്‍ ക്രൈം ബ്രാഞ്ചിന് കൈമാറുമെന്നാണ് കമ്മീഷന്‍ വാര്‍ത്താകുറിപ്പ്.എന്നാല്‍ ചോദ്യപേപ്പര്‍ തയാറാക്കിയതിന്‍െയും മൂല്യനിര്‍ണയത്തിന്റെയും മുഴുവന്‍ രേഖകളും ക്രൈം ബ്രാഞ്ച് ആവശ്യപ്പെട്ടാല്‍ കമ്മീഷന്‍ നല്‍കുമോ എന്നതാണ് അറിയേണ്ടത്.വൈകുന്നേരമാണ് ഐജി അജിതാ ബീഗം പട്ടത്തെ പിഎസ്സി ആസ്ഥാനത്തെത്തിയത്.
