തിരുവനന്തപുരം: മെഡിക്കല് കോളേജിലെ സാമ്പത്തിക ക്രമക്കേടില് അന്വേഷണം ആവശ്യപ്പെട്ട് ആരോഗ്യമന്ത്രി കെ മുരളീധരന് ആഭ്യന്തരമന്ത്രി രമേശ് ചെന്നിത്തലയ്ക്ക് കത്ത് നല്കി.ക്രിമിനല് കേസ് എടുത്ത് അന്വേഷിക്കണമെന്നാണ് ആവശ്യം. ഓഡിറ്റ് റിപ്പോര്ട്ടില് ക്രമക്കേട് കണ്ടെത്തിയ പശ്ചാത്തലത്തിലാണ് ഇത്.
2019-21 കാലഘട്ടത്തില് തിരുവനന്തപുരം മെഡിക്കല് കോളേജ് ആശുപത്രിയിലെ ഹോസ്പിറ്റല് ഡെവലപ്മെന്റ് സൊസൈറ്റിയില് 46 ലക്ഷത്തിലേറെ രൂപയുടെ കുറവാണ് കണ്ടെത്തിയത്.ക്രമക്കേട് സംബന്ധിച്ച കണക്കുകള് മെഡിക്കല് കോളേജ് സൂപ്രണ്ട് ആരോഗ്യമന്ത്രിക്ക് കൈമാറി. പിന്നാലെ വിജിലന്സ് അന്വേഷണം ആവശ്യപ്പെട്ട് ആഭ്യന്തരമന്ത്രിക്ക് കത്തയച്ചു.
കണ്ടെത്തിയത് ഗുരുതര സാമ്പത്തിക ക്രമക്കേടാണെന്ന് ആരോഗ്യമന്ത്രി പറഞ്ഞു.ക്രിമിനല് കേസെടുത്ത് അന്വേഷിക്കണമെന്നും ആരോഗ്യമന്ത്രി ആവശ്യപ്പെടുന്നു.
