കൊല്ലം: ബി.ബി. ഗോപകുമാര് എംഎല്എയ്ക്ക് വധഭീഷണി സംഭവത്തില് പോലിസ് അന്വേഷണം മന്ദഗതിയില്, പ്രതിഷേധം ശക്തമാകുന്നു. വെള്ളിയാഴ്ച വൈകിട്ട് നാലരയ്ക്ക് നടന്ന സംഭവത്തിന് പിന്നാലെ പോലീസില് പരാതി നല്കിയിട്ടും നടപടിയുണ്ടാകുന്നില്ല.
ആദ്യം സിറ്റി പോലിസ് കമ്മിഷണര്ക്കും ചാത്തന്നൂര് സ്റ്റേഷന് ഓഫീസര്ക്കും പരാതി നല്കിയിരുന്നു. സൈബര്സെല് വഴിയുള്ള അന്വേഷണത്തില് ആളെ തിരിച്ചറിഞ്ഞു. സ്പെഷല് ബ്രാഞ്ച് നടത്തിയ അന്വേഷണത്തില് പ്രതിയെകുറിച്ചുള്ള പൂര്ണവിവരങ്ങള് ലഭ്യമായി എന്ന് പറയുന്നതല്ലാതെ അറസ്റ്റ് ചെയ്യാന് വൈകുന്നതിനെക്കുറിച്ചാണ് ചോദ്യങ്ങള് ഉയരുന്നത്. എറണാകുളം കളമശ്ശേരി സ്വദേശിയാണ് വധ ഭീഷണി മുഴക്കിയതെന്ന് വ്യക്തമായിട്ടുണ്ട്. ചാത്തന്നൂരില് നിന്നുള്ള അന്വേഷണ സംഘം എറണാകുളത്ത് പോയി പ്രതിയെ അറസ്റ്റ് ചെയ്യാനുള്ള നടപടികള് സ്വീകരിച്ചുവരുന്നതായി ഉദ്യോഗസ്ഥര് പറയുന്നു.
