കൊച്ചി: കാവി ഇഷ്ടനിറമാണെന്ന് പറഞ്ഞതിന് രണ്ട് പെണ്മക്കളെയും കൊല്ലും എന്ന് വരെ പേളി മാണിയ്ക്കെതിരെ ഭീഷണി ഉയര്ന്നിരുന്നതായി വെളിപ്പെടുത്തല്. മക്കളെ കൊല്ലും മുന്പ് നിങ്ങള് അവരുടെ അമ്മയെ നേരിടേണ്ടിവരുമെന്ന് പേളി മാണി ഭീഷണി മുഴക്കുന്നവരോട് തിരിച്ചടിക്കുകയായിരുന്നു.
കാവിയാണ് ഇഷ്ടനിറമെന്ന തന്റെ നിലപാട് മാറ്റാന് അവര് ഭീഷണിപ്പെടുത്തുകയായിരുന്നെന്നും അവര് വെല്ലുവിളിച്ച ആള് മാറിപ്പോയെന്നും പേളി മറുപടി നല്കുകയായിരുന്നു. കേരളം മാറുകയാണെന്നതിന്റെ വലിയ സൂചനതന്നെയാണ് ഇത് നല്കുന്നത്. ബിജെപി പ്രവര്ത്തകരല്ലാത്തവര്ക്ക് ബിജെപി അനുകൂല നിലപാട് പ്രഖ്യാപിക്കുക എന്നത് ജീവന് തന്നെ ഭീഷണിയാണെന്ന സ്ഥിതിയാണ് വരുന്നത്.
കേരളം മറ്റൊരു കശ്മീരായി മാറുന്നു എന്ന യോഗിആദിത്യനാഥ് പറഞ്ഞത് കേരളം മതമൗലികവാദഭീഷണിയില് അമര്ന്നു കഴിഞ്ഞിരിക്കുന്നു എന്ന സൂചനയാണ് നല്കിയത്. യോഗിയുടെ വാക്കുകള് സത്യമാണെന്ന് തെളിയിക്കുന്നതാണ് അനുഭവങ്ങള്. മലയാള സിനിമയില് സംഘപരിവാര് വിരുദ്ധ രാഷ്ട്രീയം ഉറക്കെ പ്രഖ്യാപിക്കുന്നവര്ക്ക് മാത്രമേ റോള് ലഭിയ്ക്കൂ എന്ന സ്ഥിതിവിശേഷമാണ് ഇന്നുള്ളത്.
