കോഴ്സ് കാലാവധി 3 വര്ഷം, മൊത്തം ഫീസ് 45,75,000 രൂപ വിശദവിവരങ്ങള് https://rajivgandhiacademyforaviationtechnology.org ല്
ജൂലൈ 15 വരെ അപേക്ഷ സ്വീകരിക്കും എന്ട്രന്സ് ടെസ്റ്റ് ഓഗസ്റ്റ് അവസാനം തിരുവനന്തപുരത്ത്; സീറ്റുകള് 20
കേരള സര്ക്കാര് സ്ഥാപനമായ തിരുവനന്തപുരത്തെ രാജീവ്ഗാന്ധി അക്കാഡമി ഫോര് ഏവിയേഷന് ടെക്നോളജി 2026 ഒക്ടോബര്/നവംബറിലാരംഭിക്കുന്ന മൂന്ന് വര്ഷത്തെ കമേര്ഷ്യല് പൈലറ്റ് ലൈസന്സ് (സിപിഎല്) കോഴ്സിലേക്ക് അപേക്ഷിക്കാം. അപേക്ഷാഫോറവും വിശദവിവരങ്ങളും ഔദ്യോഗിക വെബ്സൈറ്റായ https://rajivgandhiacademyforaviationtechnology.org- ല്നിന്നും ഡൗണ്ലോഡ് ചെയ്യാം. ഡിജിസിഎയുടെ അനുമതിയോടെ നടത്തുന്ന കോഴ്സില് 20 പേര്ക്കാണ് പ്രവേശനം. മൊത്തം കോഴ്സ് ഫീസ് 45,75,000 രൂപ. 5 ഗഡുക്കളായി ഫീസ് അടയ്ക്കാം. സെസ്ന എയര്ക്രാഫ്റ്റിലാകും ഫ്ളൈയിങ് പരിശീലനം.
ഇനി പറയുന്ന യോഗ്യതയുള്ളവര്ക്ക് അപേക്ഷിക്കാം. പ്ലസ്ടു/ഹയര് സെക്കന്ററി/തത്തുല്യ പരീക്ഷ 50 ശതമാനം മാര്ക്കോടെ വിജയിച്ചിരിക്കണം. മാത്തമാറ്റിക്സ്, ഫിസിക്സ്, ഇംഗ്ലീഷ് വിഷയങ്ങള്ക്ക് മൊത്തം 55% മാര്ക്കുണ്ടാകണം. പട്ടികജാതി/വര്ഗ്ഗം, ഒബിസി വിഭാഗങ്ങള്ക്ക് യഥാക്രമം 45%, 50% മാര്ക്ക് മതി. മെഡിക്കല്, ഫിസിക്കല് ഫിറ്റ്നസുണ്ടായിരിക്കണം.
പ്രായം 1.4.2026 ല് 17 വയസ് തികഞ്ഞിരിക്കണം.
അപേക്ഷാ ഫീസ് ജനറല് വിഭാഗത്തിന് 5500 രൂപ. എസ്സി/എസ്ടി/ഒഇസി വിഭാഗങ്ങള്ക്ക് 3000 രൂപ. എക്സിക്യൂട്ടീവ് വൈസ് ചെയര്മാന്, രാജീവ്ഗാന്ധി അക്കാഡമി ഫോര് ഏവിയേഷന് ടെക്നോളജി തിരുവനന്തപുരം എന്ന പേരില് തിരുവനന്തപുരത്ത് മാറ്റാവുന്ന ഡിമാന്ഡ് ഡ്രാഫ്റ്റായി ഫീസ് നല്കാം.
നിര്ദ്ദിഷ്ട ഫോമില് തയ്യാറാക്കിയ അപേക്ഷ ബന്ധപ്പെട്ട രേഖകള് സഹിതം Rajiv Gandhi Academy for Aviation Technology, Trivandrum International Airport, ITI Junction, Chackai, Beach PO, Thiruvananthapuram-695007 എന്ന വിലാസത്തില് ജൂലൈ 15 നകം ലഭിക്കണം.
ഓഗസ്റ്റ് അവസാനം തിരുവനന്തപുരത്ത് നടത്തുന്ന എന്ട്രന്സ് ടെസ്റ്റ്, ഇന്റര്വ്യു എന്നിവയുടെ അടിസ്ഥാനത്തിലാണ് സെലക്ഷന്. കൂടുതല് വിവരങ്ങള്ക്കും അപ്ഡേറ്റുകള്ക്കും വെബ്സൈറ്റ് സന്ദര്ശിക്കുക. അന്വേഷണങ്ങള്ക്ക് 8547256538, 7012297166 എന്നീ ഫോണ് നമ്പരുകളിലും ബന്ധപ്പെടാം.
