പത്തനംതിട്ട : അയ്യപ്പന് പബ്ലിസിറ്റി ആവശ്യമില്ലാത്തതിനാല് അയ്യപ്പ സംഗമം ഇനി നടത്തില്ലെന്ന് തിരുവിതാംകൂര് ദേവസ്വം ബോര്ഡ് പ്രസിഡന്റ് കെ ജയകുമാര് പറഞ്ഞു. ശബരിമലയുടെ മണ്ഡലകാല പ്രവര്ത്തനങ്ങളില് കൂടുതല് സുതാര്യത ഉറപ്പുവരുത്താന് വഴിപാട്, ജീവനക്കാരുടെ ശമ്പളം അടക്കമുള്ള കാര്യങ്ങള് ഡിജിറ്റലൈസ് ചെയ്യുമെന്നും അദ്ദേഹം അറിയിച്ചു.
ശുചിത്വം, സുതാര്യത, കാര്യക്ഷമത എന്നിവയില് ഇനി വിട്ടുവീഴ്ച വേണ്ട എന്നാണ് തീരുമാനം. റൂമുകള്ക്ക് നടപ്പാക്കിയിരുന്ന ഡെപ്പോസിറ്റ് സംവിധാനം പിന്വലിച്ച് 50 രൂപ സര്വീസ് ചാര്ജ് മാത്രമാക്കി. തിരക്ക് നിയന്ത്രിക്കാന് 450 എഐ ക്യാമറകള് സ്ഥാപിക്കും. സന്നിധാനത്ത് തീര്ത്ഥകുളം സ്ഥാപിക്കാനും ബോര്ഡ് ആസ്ഥാനത്ത് ശബരിമല കണ്ട്രോള് റൂം തുറക്കാനും തീരുമാനമായതായി ബോര്ഡ് പ്രസിഡന്റ് പറഞ്ഞു.
