തിരുവനന്തപുരം: കാര്ഷിക മേഖലയെ സാങ്കേതികവിദ്യയുടെ കരുത്തോടെ ഉത്പാദനക്ഷമവും കാലാവസ്ഥാ പ്രതിരോധശേഷിയുള്ളതുമാക്കാന് കേരള സ്റ്റാര്ട്ടപ്പ് മിഷന് അഗ്രിനെക്സ്റ്റ് പദ്ധതി നടപ്പാക്കും. ലോകബാങ്കിന്റെ സഹകരണത്തോടെ കൃഷി വകുപ്പിന്റെ കേര പദ്ധതിയിലുള്പ്പെടുത്തിയാണ് 150 അഗ്രിടെക് സ്റ്റാര്ട്ടപ്പുകളെ തെരഞ്ഞെടുത്ത് സാങ്കേതികവിദ്യകള് കര്ഷകരിലേക്ക് എത്തിക്കാനുള്ള 38 കോടിയുടെ സമഗ്ര പദ്ധതി നടപ്പാക്കുന്നത്.
കാര്ഷിക ഉത്പാദനക്ഷമത വര്ദ്ധിപ്പിക്കല്, കൃഷിച്ചെലവ് കുറയ്ക്കല്, കാലാവസ്ഥാ വ്യതിയാനങ്ങളെ അതിജീവിക്കുന്ന കൃഷിരീതികള്, മെച്ചപ്പെട്ട വിപണി ബന്ധങ്ങള്, വരുമാന വര്ദ്ധന എന്നിവയാണ് ലക്ഷ്യമിടുന്നത്. തെരഞ്ഞെടുക്കപ്പെടുന്ന സ്റ്റാര്ട്ടപ്പുകള്ക്ക് 25 ലക്ഷം വരെ ധനസഹായം, മെന്ററിങ്, ഇന്കുബേഷന് പിന്തുണ, കര്ഷക ശൃംഖലകളിലേക്കുള്ള പ്രവേശനം, ഫീല്ഡ് പൈലറ്റ് അവസരങ്ങള് എന്നിവ ലഭ്യമാക്കും.
പ്രിസിഷന് ഫാമിങ്, ഡ്രോണ് സാങ്കേതികവിദ്യ, ആര്ട്ടിഫിഷ്യല് ഇന്റലിജന്സ്, സ്മാര്ട്ട് ഇറിഗേഷന്, ഫാം മെക്കനൈസേഷന്, വിള സംരക്ഷണം, വിളവെടുപ്പിന് ശേഷമുള്ള സംസ്കരണവും സംഭരണവും, മൂല്യവര്ധിത ഉത്പന്നങ്ങള്, അഗ്രിഫിന്ടെക്, കാലാവസ്ഥാ സൗഹൃദ കൃഷി തുടങ്ങിയ മേഖലകളില് പ്രവര്ത്തിക്കുന്ന സ്റ്റാര്ട്ടപ്പുകള്ക്ക് പദ്ധതിയില് പങ്കാളികളാകാം. രാജ്യത്താകമാനമുള്ള അഗ്രിടെക് മേഖലയിലെ സ്റ്റാര്ട്ടപ്പുകളില് നിന്ന് ലഭിക്കുന്ന അപേക്ഷകളില് നിന്ന് തെരഞ്ഞെടുക്കപ്പെടുന്ന സംരംഭങ്ങളെ ഘട്ടംഘട്ടമായി കര്ഷക ശൃംഖലകളുമായി ബന്ധിപ്പിച്ച് സാങ്കേതികവിദ്യകള് പ്രായോഗിക തലത്തില് നടപ്പാക്കുന്നതാണ് പദ്ധതി. താത്പര്യമുള്ള സ്റ്റാര്ട്ടപ്പുകള് വേേു:െ//agrinext.startupmission.in എന്ന ലിങ്കില് ജൂലൈ 31നകം അപേക്ഷ സമര്പ്പിക്കണം. വിവരങ്ങള്ക്ക്: 9447713627.
