മുംബൈ: ലോകം കണ്ട എക്കാലത്തെയും മികച്ച ക്യാപ്റ്റന്മാരില് ഒരാളായിരുന്ന സൗരവ് ഗാംഗുലി ഐസിസി ഹാള് ഓഫ് ഫെയിമില്. ഐസിസിയുടെ വാര്ഷിക സമ്മേളനം അവസാനിച്ചതിന് ശേഷം ജൂലൈ 11നായിരിക്കും ഇതിന്റെ ഔദ്യോഗിക പ്രഖ്യാപനം. ഹാള് ഓഫ് ഹെയിം പട്ടികയില് ഉള്പ്പെടുന്ന 12-ാമത്തെ ഭാരതീയനാണ് ഗാംഗുലി.
ലോകോത്തര ബാറ്റര് എന്ന നിലയിലും സഹതാരങ്ങളെ ആക്രമണോത്സുകതയോടെ പൊരുതാന് പ്രേരിപ്പിച്ച് ഭാരത ക്രിക്കറ്റിന് പുതിയ ദിശാബോധം നല്കിക്കൊണ്ട് കളിയില് പ്രൊഫഷണലിസം വാര്ത്തെടുത്ത നായകന് കൂടിയാണ് സൗരവ് ഗാംഗുലി.
ദീര്ഘവീക്ഷണത്തോടെ ടീമിലേക്ക് യുവ താരങ്ങള്ക്ക് അവസരങ്ങള് നല്കി ഓരോ മേഖലയിലും കൃത്യമായ കണ്ടെത്തലുകള് നടത്തി, ഭാരത ക്രിക്കറ്റിനെ സമ്പൂര്ണ ടീം ആക്കിമാറ്റാന് പ്രയത്നിച്ച ക്യാപ്റ്റന് കൂടിയായിരുന്നു.
