വയനാട് : മേപ്പാടി ചൂരൽമല റോഡിൽ നടന്ന മണ്ണിടിച്ചിലിൽ രക്ഷാപ്രവർത്തനങ്ങൾക്കെത്തി സേവാഭാരതി . വിവരമറിഞ്ഞ ഉടൻ തന്നെ സ്ഥലത്തെത്തിയ സേവാഭാരതി പ്രവർത്തകർ രക്ഷാപ്രവർത്തനങ്ങൾ ഏകോപിപ്പിക്കുന്നതിനും ദുരിതബാധിതർക്ക് ആവശ്യമായ അടിയന്തര സഹായങ്ങൾ ലഭ്യമാക്കുന്നതിനുമായി സജീവമായി രംഗത്തുണ്ട് .
കള്ളാടി തുരങ്കപാതയുടെ ആരംഭഭാഗത്തിന് സമീപമാണ് വൻതോതിൽ മണ്ണിടിച്ചിൽ ഉണ്ടായത്. സംഭവത്തെ തുടർന്ന് റോഡ് ഗതാഗതം പൂർണമായും തടസ്സപ്പെടുകയും ചില വാഹനങ്ങളും തൊഴിലാളികളും അപകടത്തിൽപ്പെട്ടതായി പ്രാഥമിക വിവരങ്ങൾ ലഭിക്കുകയും ചെയ്തിരുന്നു. തുടർന്ന് ബന്ധപ്പെട്ട സർക്കാർ വകുപ്പുകൾക്കും രക്ഷാസേനകൾക്കുമൊപ്പം ചേർന്ന് പ്രവർത്തകർ രക്ഷാപ്രവർത്തനങ്ങൾക്ക് നേതൃത്വം നൽകുകയും ആവശ്യമായ പിന്തുണ ഉറപ്പാക്കുകയും ചെയ്യുന്നുണ്ട്.
