തിരുവനന്തപുരം : സിപിഎം നേതാവും മുന് എം എല് എയുമായ പി പി ചിത്തരഞ്ജന് നില്പ് ശിക്ഷ വിധിച്ച് തിരുവനന്തപുരം ജില്ലാ കോടതി.2025 ല് വഴി തടഞ്ഞ കേസിലാണ് കോടതി പിരിയും വരെ ശിക്ഷ വിധിച്ചത്.ചിത്തരഞ്ജനുള്പ്പടെ മൂന്നു പേര്ക്കാണ് ശിക്ഷ. പി എം വാഹിദ, എം കെ രാമചന്ദ്രന് എന്നിവര്ക്കും നില്പ്പ് ശിക്ഷ വിധിച്ചു.
വൈകുന്നേരം അഞ്ചുമണിവരെ ചിത്തരഞ്ജന് കോടതിക്ക് മുന്നില് നിന്നു. തിരുവനന്തപുരത്ത് ഗതാഗത തടസം ഉണ്ടാക്കി വഴി തടഞ്ഞ കേസിലാണ് ജുഡീഷ്യല് ഫസ്റ്റ് ക്ലാസ്സ് മജിസ്ട്രേറ്റ് റ്റാനിയ മറിയം ജോസ് ശിക്ഷ വിധിച്ചത്.2025 ജനുവരി 17നാണ് സംഭവം നടന്നത്.
കേരള കോ ഓപ്പറേറ്റീവ് എംപ്ലോയീസ് യൂണിയന് (സിഐടിയു) ആഭിമുഖ്യത്തില് പാളയം രക്തസാക്ഷി മണ്ഡപം മുതല് സെക്രട്ടേറിയറ്റ് വരെയുള്ള റോഡില് ഗതാഗത തടസം ഉണ്ടാക്കി വഴി തടഞ്ഞു പ്രകടനം നടത്തിയെന്നതാണ് കേസിനാധാരമായ സംഭവം. സഹകരണ ആശുപത്രി ജീവനക്കാരെ സംരക്ഷിക്കുക, അവരുടെ ശമ്പളം പരിഷ്കരിക്കുക എന്നിങ്ങനെ ആവശ്യങ്ങളുമായിട്ടായിരുന്നു സമരം.
