ആലപ്പുഴ: എസ്എന്‍ഡിപി യോഗം നേതാവായിരുന്ന കെ.കെ.മഹേശന്റെ മരണത്തില്‍ പ്രത്യേക അന്വേഷണ സംഘം(എസ്‌ഐടി) രൂപീകരിക്കണമെന്ന് ആവശ്യവുമായി ഭാര്യ ഉഷാ ദേവി.ആഭ്യന്തരമന്ത്രി രമേശ് ചെന്നിത്തലയ്ക്ക് പരാതി നല്‍കി. ഹരിപ്പാട്ടെ രമേശ് ചെന്നിത്തലയുടെ ക്യാമ്പ് ഓഫിസില്‍ നേരിട്ടെത്തിയാണ് ഉഷാ ദേവി പരാതി നല്‍കിയത്.
നേരത്തെ മുഖ്യമന്ത്രിക്കും ഉഷാദേവി പരാതി നല്‍കിയിരുന്നു. മുഖ്യമന്ത്രിക്ക് നല്‍കിയ പരാതിയുടെ പകര്‍പ്പ് മാത്രമാണ് തനിക്ക് ലഭിച്ചതെന്നാണ് രമേശ് ചെന്നിത്തല അന്ന് പറഞ്ഞത്. ഈ പശ്ചാത്തലത്തിലാണ് ആഭ്യന്തരമന്ത്രിക്കും പ്രത്യേകം പരാതി നല്‍കിയത്.രമേശ് ചെന്നിത്തലയില്‍ നിന്നും അനുഭാവപൂര്‍ണമായ പ്രതികരണമാണ് ഉണ്ടായതെന്ന് ഉഷാദേവി പറഞ്ഞു. യോഗം ജനറല്‍ സെക്രട്ടറി വെളളാപ്പളളി നടേശനും മകന്‍ തുഷാര്‍ വെളളാപ്പളളിയുമാണ് മഹേശന്റെ മരണത്തിന് കാരണക്കാരെന്നാണ് കുടുംബം ആരോപിക്കുന്നത്.മൈക്രോഫിനാന്‍സുമായി ബന്ധപ്പെട്ടാണ് മഹേശന് സമ്മര്‍ദ്ദമുണ്ടായത്.
