മോണ്ടെറി: കരുത്തരായ നെതര്ലന്ഡ്സിനെ പരാജയപ്പെടുത്തിയ മൊറോക്കോ ടീമിലെ അംഗങ്ങള്ക്ക് മൊറോക്കോ സ്വന്തം രാജ്യമായി കരുതാവുന്നവരാണോ? നിയമപരമായി അങ്ങനെ കരുതാമെങ്കിലും ആ ടീമിലെ ഭൂരിഭാഗവും, എന്നുവച്ചാല് 76 ശതമാനം പേരും മറ്റ് രാജ്യങ്ങളില് ജീവിക്കുന്നവരാണ്. മൊറോക്കോയില് ജനിച്ച് യൂറോപ്പിലെ അക്കാദമികളിലൂടെ വളര്ന്നവരും പിന്നീട് മൊറോക്കോയുടെ കൂടെ വന്നവരാണ്. മൊറോക്കോയുടെ 26 അംഗ ടീമിലെ 20 പേരും വിദേശികളാണ്. സൂപ്പര് താരവും മൊറോക്കോയുടെ നായകനുമായ അച്റഫ് ഹക്കീമി വരെ വിദേശിയാണ്.
സ്പെയിനില് നിന്നുള്ളവര് ഇവരാണ്.
അച്രഫ് ഹക്കിമി, ബ്രാഹിം ഡയസ്, മുനീര് എല് കജോയി, അബ്ദെ എസല്സൗലി, ഇലിയാസ് അഖോമാച്ച്, ഒമര് എല് ഹിലാലി
ഫ്രാന്സില് നിന്നുള്ളവര്
ബിലാല് എല് ഖന്നൂസ്, നീല് എല് അയ്നൗയി, അയ്യൂബ് ബൗദ്ദി, ചാഡി റിയാദ്, ഇസ്മായില് സൈബരി, അമീര് റിച്ചാര്ഡോസ്ന്, ചെംസ്ദീന് തല്ബി.
നെതര്ലന്ഡ്സില് നിന്നുള്ളവര് ഇവരാണ്. നൗസൈര് മസ്രോയി, സോഫിയാന് അംറാബത്ത്, സക്കറിയ അബൂഖ്ലാല്
ഇവരെക്കൂടാതെ ബെല്ജിയത്തില്നിന്ന് അനസ് സരോരിയും കാനഡയില് നിന്നുള്ള യാസിന് ബൗനൂവും (കാനഡയില് ജനിച്ചു, പിന്നീട് മൊറോക്കോയിലേക്ക് മടങ്ങി വളര്ന്നു) വിദേശികളാണ്.
ഫ്രാന്സ്/സെനഗല് വംശപരമ്പരയിലുള്ള ഇസ്സ ഡിയോപ്പും മൊറോക്കോ ടീമിന്റെ ഭാഗമാണ്. ഇതൊക്കെയാണെങ്കിലും മൊറോക്കോ എന്ന വികാരം ഇവരെ ഒരുമിപ്പിക്കുന്നുണ്ട് എന്നതിനു തെളിവാണ് അവരുടെ വിജയം.
സ്വദേശത്ത് ജനിച്ചവര്
അസ്സദീന് ഔനഹി, സൗഫിയാന് റഹിമി, അയൂബ് എല് കാബി, അഹമ്മദ് റെഡ തഗ്നൗട്ടി, മര്വാനെ , സാദനെ, യൂസഫ് ബെളമ്മാരി, അമിന് സ്ബായി
എന്തുകൊണ്ട് ഇങ്ങനെ?
യൂറോപ്പില് വലിയ മൊറോക്കന് പ്രവാസി സമൂഹമുണ്ട്. ഫ്രാന്സ്, സ്പെയിന്, ബെല്ജിയം, നെതര്ലന്ഡ്സ് എന്നിവിടങ്ങളിലെ അക്കാദമികളില് വളര്ന്ന താരങ്ങളെ മൊറോക്കോ ഫുട്ബോള് ഫെഡറേഷന് വര്ഷങ്ങളായി ദേശീയ ടീമിലേക്ക് ആകര്ഷിക്കുന്ന നയം പിന്തുടരുന്നു. പലര്ക്കും യൂറോപ്യന് രാജ്യങ്ങള്ക്കോ മൊറോക്കോയ്ക്കോ വേണ്ടി കളിക്കാന് അര്ഹതയുണ്ടായിരുന്നെങ്കിലും അവര് മാതാപിതാക്കളുടെ നാടായ മൊറോക്കോയെ തിരഞ്ഞെടുത്തു.
