തൃശൂര്: സമരത്തില് നിന്ന് പിന്നോട്ടില്ലെന്ന് അമല -ജൂബിലി ആശുപത്രികളിലെ നഴ്സുമാര്.സര്ക്കാരില് നിന്ന് രേഖാമൂലം ഒരു ഉറപ്പും ലഭിച്ചിട്ടില്ല.മാധ്യമ വാര്ത്തകളുടെയും പ്രതികരണങ്ങളുടെയും പേരില് സമരം നിര്ത്തില്ലെന്നും യുഎന്എ ഭാരവാഹികള് പറഞ്ഞു.രേഖാമൂലം സര്ക്കാര് ഉറപ്പുനല്കണം.
നഴ്സുമാര്ക്ക് മിനിമം വേതനം ലഭിക്കുന്നതിന് നിയമം നടപ്പാക്കുമെന്ന് ആരോഗ്യമന്ത്രി കെ മുരളീധരന് നിയമസഭയില് പറഞ്ഞിരുന്നു. സമരത്തിലുളള നഴ്സുമാരുടെ ആവശ്യം സര്ക്കാര് പരിഗണിക്കും. ഒരാഴ്ചയ്ക്കകം നടപടി സ്വീകരിക്കുമെന്നും തൃശൂര് അമല, ജൂബിലി ആശുപത്രികളില് സമരം ചെയ്യുന്ന നഴ്സുമാര് സമരത്തില് നിന്ന് പിന്മാറണമെന്നും ആരോഗ്യമന്ത്രി ആവശ്യപ്പെട്ടിരുന്നു.
ജൂബിലി, അമല ആശുപത്രികളിലെ മാനേജ്മെന്റുകളുമായി യുഎന്എ നടത്തിയ ചര്ച്ച പരാജയപ്പെട്ടിരുന്നു. മിനിമം വേതനത്തിന്റെ കാര്യത്തില് സര്ക്കാര് തീരുമാനമെടുക്കട്ടെ എന്ന നിലപാടിലാണ് മാനേജ്മെന്റുകള്. ബിഷപ്പ് ഹൗസിന് മുന്നിലാണ് സമരം. എഡിഎം എത്തി ചര്ച്ച നടത്തിയിട്ടും നഴ്സുമാര് വഴങ്ങിയില്ല.
