ഫോക്സ്ബറോ: ഫിഫ ലോകകപ്പില് രണ്ടിലൊന്നറിയാന് മുന് ലോക ചാമ്പ്യന്മാരായ ജര്മനിയും ലാറ്റിനമേരിക്കന് കരുത്തരായ പരാഗ്വേയും ഇന്ന് നേര്ക്കുനേര് പോരാട്ടത്തിന് ഇറങ്ങുകയാണ്. ഗ്രൂപ്പ് ഘട്ടത്തില് മിന്നും ഫോം പ്രകടിപ്പിച്ച ജര്മനി വ്യക്തമായ ആധിപത്യത്തോടെയാണ് നോക്കൗട്ടിലേക്ക് കടന്നിരിക്കുന്നത്. മികച്ച അച്ചടക്കവും ആക്രമണാത്മക ശൈലിയുമാണ് ജര്മന് പടയുടെ ശക്തി. മധ്യനിരയുടെ കരുത്തും വിങ്ങര്മാരുടെ അതിവേഗ മുന്നേറ്റങ്ങളും എതിരാളികളുടെ പ്രതിരോധക്കോട്ടകളെ തകര്ക്കാന് പോന്നതാണ്. 4-2-3-1 എന്ന ആക്രമണത്തിന് മുന്ഗണന നല്കുന്ന പരാമ്പരാഗത ശൈലി പുറത്തെടുക്കാനാണ് ജര്മന് സാധ്യത.
മറുവശത്ത് പ്രവചനാതീതമായ കളിശൈലിയിലൂടെ ഫുട്ബോള് ലോകത്തെ ഞെട്ടിച്ചാണ് പാരഗ്വേ റൗണ്ട് ഓഫ് 32ല് ഇടംപിടിച്ചത്. ഉറച്ച പ്രതിരോധമാണ് പ്രധാന ആയുധം. ശക്തരായ എതിരാളികളെ ഗോള് നേടുന്നതില് നിന്ന് തടഞ്ഞുനിര്ത്തി പ്രതിരോധ താരങ്ങള് മുന്നേറാറുണ്ട്. 4-4-2 എന്ന ശൈലിയില് പ്രതിരോധം ശക്തമാക്കി കൗണ്ടര് അറ്റാക്കിങ് അനുയോജ്യമാക്കാനാണ് പരാഗ്വേയുടെ സാധ്യത.
