ലണ്ടന് :ഇംഗ്ലണ്ട് താരം ബെന് സ്റ്റോക്സ് അന്താരാഷ്ട്ര ക്രിക്കറ്റില് നിന്ന് വിരമിക്കല് പ്രഖ്യാപിച്ചു.തിങ്കളാഴ്ച അവസാനിക്കുന്ന ന്യൂസിലന്ഡിനെതിരായ ടെസ്റ്റ് പരമ്പരക്ക് ശേഷം വിരമിക്കും
ഇംഗ്ലണ്ടിനായി 122 ടെസ്റ്റുകളും 114 ഏകദിനങ്ങളിലും 43 ട്വന്റി20യിലും കളിച്ചിട്ടുണ്ട് ബെന് സ്റ്റോക്സ്. 44 ടെസ്റ്റുകളില് ഇംഗ്ലണ്ടിനെ നയിച്ചു. അന്താരാഷ്ട്ര ക്രിക്കറ്റിലെ ഏറ്റവും മികച്ച ഓള് റൗണ്ടര്മാരില് ഒരാളുമാണ്. 2022 ലെ ഇംഗ്ലണ്ടിന്റെ ട്വന്റി 20 ലോകകപ്പ് നേട്ടത്തിലും പ്രധാന പങ്കാളിയായിരുന്നു. 2019 ഏകദിന ലോകകപ്പ് ഫൈനലിലെ മികച്ച താരമായി.
2019ലെ ഹെഡിംഗ്ലി ടെസ്റ്റില് 359 എന്ന റെക്കോര്ഡ് ചേസിലേക്ക് ഇംഗ്ലണ്ടിനെ നയിച്ചത് എന്നും ഓര്മ്മിക്കപ്പെടുന്നതാണ്. ടെസ്റ്റ് ക്രിക്കറ്റിലെ ഏറ്റവും മികച്ച ഇന്നിംഗ്സുകളിലൊന്നായി ഇത് മാറി.
നൈറ്റ് ക്ലബിലുണ്ടായ പ്രശ്നങ്ങളെ തുടര്ന്ന് ദിവസങ്ങള്ക്ക് മുന്പ് ക്യാപ്റ്റന് സ്ഥാനത്ത് നിന്ന് ബെന് സ്റ്റോക്സിനെ മാറ്റിയിരുന്നു. പിന്നാലെയാണ് വിരമിക്കല്.
