തിരുവനന്തപുരം: ഇ എം എസ് ഭവന പദ്ധതി ഉണ്ടാക്കിയവര് പി എം എ വൈ പദ്ധതിയെ എന്തിനാണ് എതിര്ക്കുന്നതെന്ന് തദ്ദേശ സ്വയംഭരണ വകുപ്പ് മന്ത്രി കെ എം ഷാജി.അഞ്ച് ലക്ഷം വീട് നല്കി എന്നാണ് കണക്ക്. ലൈഫില് കൊടുത്ത 1,60000 വീട് നല്കിയത് ഈ പദ്ധതിയില് പെട്ടതാണ്. ലോഗോ വെക്കുന്നു എന്ന പേരില് വീട് ഇല്ലാതെ ആക്കാന് പറ്റില്ലെന്ന് മന്ത്രി പറഞ്ഞു.
2023 ലെ സര്ക്കുലര് പ്രകാരം ലോഗോ വേണം എന്നാണ്. സര്ക്കാറിന്റെ വിഹിതം നല്കാന് പണമില്ലാത്തതിനാലാണ് പിഎംഎവൈ കരാറില്നിന്ന് എല്ഡിഎഫ് സര്ക്കാര് പിറകോട്ടുപോയതെന്നും മന്ത്രി കെ എം ഷാജി പറഞ്ഞു.പ്രധാനമന്ത്രിയുടെ ചിത്രമുണ്ടെന്ന് ശുദ്ധ കളവ് പറഞ്ഞ് ഒരു കപട ആദര്ശ വേഷം കെട്ടുകയായിരുന്നു ഇടത് സര്ക്കാര്. ഒരു ലക്ഷത്തിലേറെ വീടുകള് പാവപ്പെട്ടവര്ക്ക് ലഭിക്കേണ്ടതുണ്ട്. അത്തരം വിഷയങ്ങളില് കപട ആദര്ശം പറഞ്ഞ് പദ്ധതികള് തടയുന്നത് സമൂഹത്തോട് ചെയ്യുന്ന വലിയ തെറ്റാണെന്നും കെ എം ഷാജി കൂട്ടിച്ചേര്ത്തു.
പി എം എവൈ പദ്ധതിയിലെ വീടുകളുമായി ബന്ധപ്പെട്ട് അനാവശ്യമായ വിവാദങ്ങള് ഉണ്ടാകരുതെന്ന് കെ എം ഷാജി പറഞ്ഞു.പ്രധാനമന്ത്രി ആവാസ് യോജന പ്രകാരം പണിയുന്ന വീടുകളില് പദ്ധതിയുടെ എംബ്ലം പതിപ്പിക്കുന്നതുമായി ബന്ധപ്പെട്ട് ഉയര്ന്ന വിവാദങ്ങളില് പ്രതികരിക്കുകയായിരുന്നു കെ എം ഷാജി.നരേന്ദ്രമോദിയുടെ ഫോട്ടോയല്ല, പദ്ധതിയുടെ ലോഗോ സ്ഥാപിക്കുന്നതില് തെറ്റില്ലെന്നാണ് പറഞ്ഞത്.ലോഗോയില് പ്രധാനമന്ത്രിയുടെ ചിത്രമുണ്ടെന്ന് വരുത്തിത്തീര്ത്ത് ചിലര് കള്ളം പ്രചരിപ്പിക്കുകയാണ്. ആര്ക്കെങ്കിലും ലോഗോയില് ഫോട്ടോ കാണിച്ചുതരാന് സാധിക്കുമെങ്കില് താന് പറയുന്നതുപോലെ ചെയ്യാമെന്നും മന്ത്രി വെല്ലുവിളിച്ചു.
ചില മുഖ്യധാര മാധ്യമങ്ങള് കള്ളം പ്രചരിപ്പിക്കുന്നു.താന് പറഞ്ഞത് വളച്ചൊടിച്ച് ഒരു ഉളുപ്പും ഇല്ലാതെ കള്ളം പറയുകയാണെന്നും അതിന്റെ ആവശ്യം എന്താണെന്നും മന്ത്രി ചോദിച്ചു. കേന്ദ്ര വിഹിതം കൂടുതല് കിട്ടാന് ആണ് ശ്രമിക്കുന്നത്. പാവങ്ങള്ക്ക് കിട്ടുന്ന വീട് ഇല്ലാതാക്കാന് ശ്രമിക്കരുത്.
അതേസമയം, മന്ത്രി കെ എം ഷാജിയെ വിമര്ശിച്ച് സി പി എം നേതാവ് എ കെ ബാലന് രംഗത്തെത്തി.ഷാജിയുടെ നിലപാട് യുഡിഎഫിന് അനുകൂലമല്ലെന്നും ബിജെപിക്ക് അനുകൂലമാണെന്നും എ കെ ബാലന് പറഞ്ഞു. ഷാജി ബിജെപിക്കും ആര്എസ്എസിനും അടിമപ്പെടുന്നു. കേന്ദ്രത്തിനെതിരെ ഷാജിയും യുഡിഎഫും ഒന്നും പറയില്ല. മതമാണ്, മതമാണ് മതമാണ് പ്രശ്നം എന്നത് മാത്രം ഇനി ദേദഗതി ചെയ്താല് മതി. പിണറായി സംഘപരിവാറിന്റെ ആളാണെന്ന് പ്രചരിപ്പിച്ചു. അതിനുള്ള തിരിച്ചടിയാണ് ഇപ്പോള് യുഡിഎഫിന് ലഭിക്കുന്നതെന്നും ബാലന് പറഞ്ഞു.
