ന്യൂദൽഹി: അതിർത്തി സുരക്ഷ മുൻകാലത്തേക്കാൾ ശക്തിപ്പെടുത്തിയതായും പാകിസ്ഥാനില് നിന്നും ബംഗ്ലാദേശില് നിന്നുമുള്ള നുഴഞ്ഞുകയറ്റ ശ്രമങ്ങൾ ഗണ്യമായി കുറച്ചതായും കേന്ദ്ര ആഭ്യന്തര മന്ത്രി അമിത് ഷാ. അതിർത്തി മേഖലകളിൽ കൂടുതൽ നിരീക്ഷണ സംവിധാനങ്ങളും സാങ്കേതിക സംവിധാനങ്ങളും വിന്യസിച്ചിട്ടുണ്ടെന്നും അദ്ദേഹം പറഞ്ഞു.
അനധികൃതമായി ഇന്ത്യയിൽ കഴിയുന്നവരെ കണ്ടെത്തി നിയമാനുസൃത നടപടികൾ സ്വീകരിക്കുന്നതിനായി വിവിധ സംസ്ഥാനങ്ങളുമായി സഹകരിച്ച് പരിശോധനകളും തിരിച്ചറിയൽ നടപടികളും പുരോഗമിക്കുകയാണെന്ന് കേന്ദ്ര സർക്കാർ അറിയിച്ചു. രാജ്യത്തിന്റെ സുരക്ഷയും ജനസംഖ്യാപരമായ സന്തുലിതാവസ്ഥയും സംരക്ഷിക്കുന്നതിനാണ് ഇത്തരം നടപടികളെന്ന് കേന്ദ്ര ആഭ്യന്തരമന്ത്രാലയം അറിയിച്ചു.
രാജ്യത്തെ അനധികൃത കുടിയേറ്റം തടയുന്നതിനും ഇന്ത്യയിൽ നിയമവിരുദ്ധമായി താമസിക്കുന്ന വിദേശ പൗരന്മാരെ തിരിച്ചയയ്ക്കുന്നതിനും കേന്ദ്ര സർക്കാർ ശക്തമായ നടപടികൾ തുടരുകയാണെന്ന് കേന്ദ്ര ആഭ്യന്തര മന്ത്രി അമിത് ഷാ പറഞ്ഞു. പ്രത്യേകിച്ച് ബംഗ്ലാദേശ്, പാകിസ്ഥാൻ എന്നിവിടങ്ങളിൽ നിന്നുള്ള അനധികൃത കുടിയേറ്റം ദേശീയ സുരക്ഷയ്ക്കും സാമൂഹിക-സാമ്പത്തിക മേഖലയ്ക്കും വെല്ലുവിളിയാണെന്നും അദ്ദേഹം ചൂണ്ടിക്കാട്ടി.
അതേസമയം, കുടിയേറ്റവുമായി ബന്ധപ്പെട്ട കണക്കുകൾക്കും അവകാശവാദങ്ങൾക്കും രാഷ്ട്രീയ വിവാദങ്ങളും നിലനിൽക്കുന്നുണ്ട്. പ്രതിപക്ഷ പാർട്ടികൾ സർക്കാർ ഉന്നയിക്കുന്ന ചില കണക്കുകൾക്ക് കൂടുതൽ വ്യക്തതയും ഔദ്യോഗിക വിവരങ്ങളും പുറത്തുവിടണമെന്ന് ആവശ്യപ്പെട്ടിട്ടുണ്ട്. എന്നിരുന്നാലും അനധികൃത കുടിയേറ്റത്തിനെതിരായ നടപടി തുടരുമെന്നും രാജ്യസുരക്ഷയിൽ വിട്ടുവീഴ്ച ഉണ്ടാകില്ലെന്നും കേന്ദ്ര സർക്കാർ ആവർത്തിച്ച് വ്യക്തമാക്കുകയാണ്.- അദ്ദേഹം ചൂണ്ടിക്കാട്ടി.
2217 കിലോമീറ്റര് ദൂരം വരുന്ന ഇന്ത്യ ബംഗ്ലാദേശ് അതിര്ത്തിയില് വേലികെട്ടിക്കൊണ്ടിരിക്കുകയാണ്. ബംഗാളില് അധികാരമേറ്റ ബിജെപി മുഖ്യമന്ത്രി സുവേന്ദു അധികാരി നല്കിയത് 142 ഏക്കര് ഭൂമിയാണ്. അതിര്ത്തിയിലെ ഈ ഭൂമി സര്വ്വേ നടത്തി അതിവേഗം അതിര്ത്തി രക്ഷാസേനയ്ക്ക് വിട്ടുകൊടുത്തുകൊണ്ടിരിക്കുകയാണ്. വേലികെട്ട് തടയാന് ബംഗ്ലാദേശ് അതിര്ത്തി സേന ചില തടസ്സങ്ങള് സൃഷ്ടിക്കാന് ശ്രമിച്ചെങ്കിലും അതിനെ മറികടന്ന് വേലികെട്ട് പ്രവര്ത്തനങ്ങള് മുന്നോട്ട് പോവുകയാണ്.
