ഭോപ്പാല് : മാപ്പു പറഞ്ഞതിനെത്തുടര്ന്ന് കോണ്ഗ്രസ് നേതാവ് രാഹുല് ഗാന്ധിക്കെതിരെ കേന്ദ്രമന്ത്രി ശിവരാജ് സിംഗ് ചൗഹാന്റെ മകന് കാര്ത്തികേയ് സിംഗ് ചൗഹാന് നല്കിയ മാനനഷ്ടക്കേസ് നടപടികള് മധ്യപ്രദേശ് ഹൈക്കോടതി അവസാനിപ്പിച്ചു. 2018ലെ മധ്യപ്രദേശ് നിയമസഭാ തെരഞ്ഞെടുപ്പ് പ്രചാരണ വേളയില് പനാമ പേപ്പേഴ്സ് വിവാദവുമായി തന്നെ ബന്ധിപ്പിച്ച് അപകീര്ത്തിപ്പെടുത്തിയെന്ന് ചൂണ്ടിക്കാട്ടിയാണ് കാര്ത്തികേയ സിംഗ് ചൗഹാന് വിചാരണ കോടതിയില് മാനനഷ്ടക്കേസ് ഫയല് ചെയ്തത്.
ഇദ്ദേഹത്തെയല്ല, ഛത്തീസ്ഗഢ് മുന് മുഖ്യമന്ത്രിയുടെ മകനെയാണ് താന് പരാമര്ശിക്കാന് ഉദ്ദേശിച്ചതെന്ന് രാഹുല് കോടതിയില് കുറ്റസമ്മതം നടത്തുകയും ഖേദപ്രകടനം നടത്തുകയുമായിരുന്നു. ഇതോടെ വിഷയം കൂടുതല് വഷളാക്കാന് ആഗ്രഹിക്കുന്നില്ലെന്ന് കാര്ത്തികേയ് സിംഗ് ചൗഹാന് കോടതിയില് വ്യക്തമാക്കി. ഇതോടെയാണ് കേസ് അവസാനിപ്പിച്ചത് .
