ഹൂസ്റ്റണ്: വിമര്ശനങ്ങളെ കാറ്റില് പറത്തി നാടാകെ ഉറ്റുനോക്കിയ ആ രാജകീയ തിരിച്ചുവരവ് ആരാധകരെ അറിയിച്ച് സൂപ്പര് താരം റൊണാള്ഡോ. ഉസ്ബെക്കിസ്ഥാനെ 5-0ന് പരാജയപ്പെടുത്തിയ മത്സരത്തില് രണ്ടുതവണ ഗോള് നേടിയ ക്രിസ്റ്റ്യാനോ റൊണാള്ഡോ മത്സരശേഷം ടെലിവിഷന് ക്യാമറ ലെന്സിലേക്ക് നോക്കിക്കൊണ്ട് ആര്ജവത്തിന്റെ സന്ദേശമറിയിച്ചു, ഐ ആം ബാക്ക് !
ഗ്രൂപ്പ് കെയിലെ ആദ്യ മത്സരത്തില് ഡിആര് കോംഗോയുമായി പോര്ച്ചുഗല് 1-1ന് സമനിലയില് പിരിഞ്ഞതിന് ശേഷം റൊണാള്ഡോ വ്യാപകമായി വിമര്ശിക്കപ്പെട്ടിരുന്നു. അതേസമയം, അര്ജന്റീനയുടെ ലയണല് മെസി, ഫ്രാന്സിന്റെ ഫോര്വേഡ് കിലിയന് എംബാപ്പെ, നോര്വേ താരം എര്ലിംഗ് ഹാലാന്ഡ്, ബ്രസീലിന്റെ വിനീഷ്യസ് ജൂനിയര്, ഇംഗ്ലണ്ട് ക്യാപ്റ്റന് ഹാരി കെയ്ന് എന്നിവരുള്പ്പെടെ മറ്റ് ആഗോള താരങ്ങളെല്ലാം ആദ്യ രണ്ടാഴ്ചകളില് മികച്ച പ്രകടനം കാഴ്ചവച്ചു. മത്സരശേഷം ‘ഞാന് തിരിച്ചെത്തി’ എന്ന പ്രസ്താവനയെക്കുറിച്ച് ചോദിച്ചപ്പോള്, അഞ്ച് തവണ ബാലണ് ഡി ഓര് ജേതാവായ അദ്ദേഹം പറഞ്ഞത്, അവര് (വിമര്ശകര്) മറക്കാതിരിക്കാന് വേണ്ടി മാത്രമായിരുന്നു എന്നാണ്. എനിക്ക് വളരെ സന്തോഷമുണ്ട്, ഏറ്റവും പ്രധാനപ്പെട്ട കാര്യം ടീം അംഗങ്ങള് തമ്മിലുള്ള യോജിപ്പും അത് ഞങ്ങള്ക്ക് നല്കുന്ന ആത്മവിശ്വാസവുമാണ്,- റൊണാള്ഡോ കൂട്ടിച്ചേര്ത്തു.
ക്രിസ്റ്റിയാനോ റൊണാള്ഡോ- 145 ഗോളുകള്
പെനാല്റ്റി ഇല്ലാതെ – 123 ഗോളുകള്
സൗഹൃദമത്സരമൊഴിവാക്കിയാല് 123 ഗോളുകള്
ലയണല് മെസി- ആകെ ഗോളുകള് 123.
കളിച്ച ആറ് ലോകകപ്പിലും ഗോള് നേടുന്ന ഏകതാരമായി ക്രിസ്റ്റ്യാനോ റൊണാള്ഡോ. (2006, 2010, 2014, 2018, 2022, 2026)
രാജ്യത്തിനും ക്ലബ്ബുകള്ക്കുമായി 1324 മത്സരങ്ങളില്നിന്ന് 975 ഗോളുകള് റൊണാള്ഡോ ഇതിനോടകം നേടിക്കഴിഞ്ഞു. ആയിരത്തിലേക്ക് 25 ഗോളുകളുടെ അകലം മാത്രം.
