തിരുവനന്തപുരം: എഡിഎം നവീന്‍ ബാബുവിന്റെ മകള്‍ നിരഞ്ജന എന്‍. നായര്‍ക്ക് ഭക്ഷ്യ സുരക്ഷാ വകുപ്പില്‍ ഓഫീസറായി നിയമനം നല്‍കി സര്‍ക്കാര്‍ ഉത്തരവായി. മകള്‍ക്ക് ആശ്രിത നിയമനം നല്‍കണമെന്ന് ആവശ്യപ്പെട്ട് മാതാവ് മഞ്ജുഷ അപേക്ഷ നല്‍കിയിരുന്നു. സമാശ്വാസ തൊഴില്‍ദാന പദ്ധതിയില്‍ ഉള്‍പ്പെടുത്തിയാണ് നിയമനം.
യാത്രയയപ്പ് യോഗത്തില്‍ വച്ച് അന്ന് ജില്ലാ പഞ്ചായത്ത് പ്രസിഡന്റും സിപി എം നേതാവുമായ പി പി ദിവ്യ അധിക്ഷേപിച്ചതിന്‌റെ മനോവിഷമത്തില്‍ നവീന്‍ ബാബു ജീവനൊടുക്കുകയായിരുന്നു. സംഭവം വിവാദമായതോടെ ദിവ്യക്കെതിരെ കേസെടുത്തെങ്കിലും പിണറായി സര്‍ക്കാര്‍ നവീന്‍ബാബുവിന്‌റെ കുടുംബത്തോട് നീതി കാട്ടിയില്ല. മാത്രമല്ല, പാര്‍ട്ടി നേതാവായ ദിവ്യയെ സംരക്ഷിക്കുന്ന നിലപാടിലായിരുന്നു സര്‍ക്കാര്‍.
ഭരണം മാറിയതോടെ കേസ് അന്വേഷണം സിബിഐക്ക് വിടാന്‍ തീരുമാനിച്ചിരുന്നു.
