കൊച്ചി : അമ്മ താരസംഘടനയിലെ ചെളിവാരിയേറ് പരസ്യമാകുമ്പോൾ വെളിപ്പെടുന്നത് മലയാള സിനിമയിലെ തന്നെ വർഗീയ ഗ്രൂപ്പുകളാണ്. നേരത്തെ മട്ടാഞ്ചേരി മാഫിയ കയ്യടക്കി വച്ചിരുന്ന മലയാള സിനിമയിലേയ്ക്ക് ചില ലക്ഷ്യങ്ങളോടെ മറ്റൊരു ഗ്രൂപ്പ് കൂടി ഉണ്ടായിരിക്കുകയാണ്.
ഒരുകാലത്ത് മലയാള സിനിമയിൽ നിറഞ്ഞുനിന്ന നടിയായിരുന്നു ഉഷ എന്ന ഹസീന ഹനീഫ്. കിരീടം, കാർണിവൽ, കോട്ടയം കുഞ്ഞച്ചൻ തുടങ്ങിയ സിനിമകളിൽ ഹസീന ചെയ്ത വേഷങ്ങൾ മലയാളികൾക്ക് പ്രിയപ്പെട്ടവയാണ് . എന്നാൽ കഴിഞ്ഞ ദിവസം ലക്ഷ്മിപ്രിയയ്ക്കെതിരെ ഹസീന നടത്തിയ പരാമർശത്തിലൂടെ വ്യക്തമായത് മലയാള സിനിമയിൽ എത്രത്തോളം വർഗീയത പിടിമുറുക്കിയിരിക്കുന്നുവെന്നതാണ്.
‘ ലക്ഷ്മി പ്രിയ ഒരു കാര്യം മനസ്സിലാക്കണം ചാനലായ ചാനലുതോറും കയറി ഇരുന്ന് വായില് വരുന്നത് കോതക്ക് പാട്ട് എന്നതുപോലെ വര്ഗീയ വിഷം തുപ്പുമ്പോള് ആലോചിക്കണമായിരുന്നു, ഇത്തരക്കാരെ പ്രോത്സാഹിപ്പിക്കാനോ അംഗീകരിക്കാനോ ഞങ്ങള്ക്ക് മനസ്സില്ല. അമ്മ സംഘടനയില് വര്ഗീയത കൊണ്ടുവരാമെന്നുള്ള വലിയ മോഹം ഞങ്ങള് പൊളിച്ചടുക്കിയതിന്റെ ആ മോഹം പൊലിഞ്ഞുപോയതിന്റെ രോദനമായിട്ടേ ഞങ്ങള് ഇതിനെ കണക്കാക്കുന്നുള്ളു . ഇന്റര്വ്യൂകളില് ജനിപ്പിച്ച മാതാപിതാക്കളെയും ജനിച്ച മതത്തെയും ഖുറാനെയും തള്ളിപ്പറഞ്ഞ നിങ്ങളുടെ അത്തരം സ്റ്റേറ്റ്മെന്റ് ശരിയായില്ല ‘ എന്ന പ്രസ്താവനയിലൂടെ ഇസ്ലാം വിട്ട് ഹിന്ദുവായ ലക്ഷ്മിയോട് ഹസീനയ്ക്കുള്ള വിദ്വേഷം എത്രത്തോളമുണ്ടെന്നത് വ്യക്തമാണ്.
അമ്മ എന്ന സംഘടനയിൽ മതമില്ലെന്ന് പറഞ്ഞവർ തന്നെയാണ് ഖുറാനെ തള്ളിപ്പറഞ്ഞതിന്റെ പേരിൽ ലക്ഷ്മിപ്രിയയെ ക്രൂശിക്കുന്നതും.
ഉഷയുടെ വ്യക്തി ജീവിതം ഒരു കാലത്ത് വലിയ ചർച്ചയായതാണ്. സംവിധായകൻ സുരേഷ് ബാബുവായിരുന്നു ഉഷയുടെ ഭർത്താവ്. ഇദ്ദേഹം സംവിധാനം ചെയ്ത കോട്ടയം കുഞ്ഞച്ഛൻ എന്ന സിനിമയിൽ ഉഷ അഭിനയിച്ചിട്ടുണ്ട്. രണ്ട് മതസ്ഥരായ ഇരുവരും തമ്മിലുള്ള വിവാഹം അന്ന് വിവാദമായി. കുടുംബത്തിന്റെ എതിർപ്പ് മറികടന്നായിരുന്നു വിവാഹം. പിന്നീടിവർ വേർപിരിഞ്ഞു.
അന്ന് തന്റെ വിവാഹത്തെ മമ്മൂട്ടി എതിർത്തിരുന്നുവെന്നും മുൻപ് ഇന്റർവ്യുകളിൽ ഹസീന തന്ന് വെളിപ്പെടുത്തിയിട്ടുണ്ട്. “സുരേഷ് ബാബുവുമായുള്ള എന്റെ ബന്ധത്തെപ്പറ്റി മമ്മൂക്കയോട് ബാപ്പ സംസാരിച്ചിരുന്നു. സുരേഷ് ബാബുവിനെ കാര്യം പറഞ്ഞ് മനസ്സിലാക്കണം എന്ന് അദ്ദേഹത്തോട് ബാപ്പ പറഞ്ഞു. പറയാമെന്ന് മമ്മൂക്ക വാക്കും കൊടുത്തിരുന്നു. സുരേഷിനോട് വിളിച്ച് മമ്മൂക്ക കാര്യവും പറഞ്ഞിരുന്നു. പക്ഷേ എന്നിട്ടും ഞങ്ങൾ വിവാഹം കഴിച്ചു. അദ്ദേഹം പറഞ്ഞിട്ടും വിവാഹം കഴിച്ചതിന്റെ ആവും പിണക്കം. ആ സമയത്ത് സംസാരിക്കാറേ ഇല്ലായിരുന്നു മമ്മൂക്ക. സുരേഷുമായി വിവാഹം കഴിഞ്ഞതിന് ശേഷം അദ്ദേഹം മിണ്ടാറില്ല”.
“അങ്ങോട്ട് ചെന്ന് മമ്മൂട്ടിയോട് സംസാരിച്ചാലും അദ്ദേഹം മിണ്ടില്ല. കുറെ പ്രാവശ്യം ഗുഡ് മോർണിംഗ് പറഞ്ഞിട്ടും അദ്ദേഹം മൈൻഡ് ചെയ്യാത്തത് കൊണ്ട് മിണ്ടാൻ പോകുന്നത് ഞാനും നിർത്തി. പക്ഷേ, നാസറുമായുള്ള വിവാഹം കഴിഞ്ഞതിനുശേഷം മമ്മൂക്ക ഒരുതവണ എന്നോട് മിണ്ടി. നടന്നു പോയപ്പോൾ അദ്ദേഹം എന്റെ കയ്യിൽ പിടിച്ചു കൊണ്ട് പറഞ്ഞു, ‘കല്യാണമൊക്കെ കഴിഞ്ഞു അല്ലേ.. എല്ലാം ഞാൻ അറിയുന്നുണ്ട്. നന്നായി വരട്ടെ’ എന്ന്”- എന്നും ഉഷ പറഞ്ഞിരുന്നു.
ഇതരമതസ്ഥനെ വിവാഹം കഴിച്ചപ്പോൾ ഇസ്ലാമിനെയും , ഖുറാനെയും മറന്ന ഹസീന വിവാഹമോചനം നടത്തി നാസറിനെ വിവാഹം കഴിച്ചപ്പോഴാണ് വീണ്ടും പരിശുദ്ധ ഖുറാനെ കുറിച്ച് സംസാരിക്കാൻ തുടങ്ങിയത് .
