പാലക്കാട് : തച്ചമ്പാറ പഞ്ചായത്തില് പതിമൂന്ന് ലക്ഷത്തോളം രൂപയുടെ തട്ടിപ്പ്. രണ്ട് താത്കാലിക ജീവനക്കാരെ സസ്പെന്റ് ചെയ്തു.
കേന്ദ്ര ധനകാര്യ കമ്മീഷന്റെ ഗ്രാന്റ് ലഭിക്കുന്ന പഞ്ചായത്തിന്റെ ബാങ്ക് അക്കൗണ്ട് ഉദ്യോഗസ്ഥന് പരിശോധിച്ചപ്പോഴാണ് 13 ലക്ഷത്തോളം രൂപ പിന്വലിച്ചിരിക്കുന്ന് ശ്രദ്ധയില് പെട്ടത്.തുടര്ന്ന് പഞ്ചായത്ത് ജോയിന്റ് ഡയറക്ടറുടെ പരിശോധനയിലാണ് 2025-26 സാമ്പത്തിക വര്ഷത്തില് 17 തവണകളായി നടന്ന ക്രമക്കേട് കണ്ടെത്തിയത്. ഇ ഗ്രാമസ്വരാജിലൂടെ ഡിജിറ്റല് ഒപ്പ് ദുരുപയോഗം ചെയ്താണ് രണ്ടു താല്ക്കാലിക ജീവനക്കാര് തട്ടിപ്പ് നടത്തിയിരിക്കുന്നത്.12,90,550 രൂപ രണ്ട് സ്വകാര്യ അക്കൗണ്ടുകളിലേക്ക് മാറ്റി.
തുക ജീവനക്കാരിയുടെ ഭര്ത്താവിന്റെ അക്കൗണ്ടിലേക്ക് പോയതായാണ് കണ്ടെത്തിയത്.പഞ്ചായത്ത് സെക്രട്ടറിയുടെ പരാതിയില് കേസെടുത്ത കല്ലടിക്കോട് പൊലീസ് ഒരു ജീവനക്കാരിയെയും ഭര്ത്താവിനെയും ബന്ധുവിനെയും കസ്റ്റഡിയിലെടുത്തു. സംഭവത്തില് യുഡിഎഫ് ഭരണസമിതിക്കെതിരെ പ്രതിഷേധവുമായി ഡിവൈഎഫ്ഐ രംഗത്തെത്തി.
