ന്യൂദല്ഹി: ടിക്കറ്റില്ലാതെ യാത്ര ചെയ്യുന്നവര്ക്കുള്ള കുറഞ്ഞ പിഴ റെയില്വേ ഇരട്ടിയാക്കി. പുതുക്കിയ പിഴ ഇന്ന് പ്രാബല്യത്തില് വന്നു.
‘2026-ലെ ജന് വിശ്വാസ് നിയമത്തിലെ വ്യവസ്ഥകള് പ്രകാരം, 1989-ലെ റെയില്വേ നിയമത്തിലെ സെക്ഷന് 137, 138 പ്രകാരമുള്ള ഏറ്റവും കുറഞ്ഞ പിഴ ജൂണ് 20 മുതല് 250 രൂപയില് നിന്ന് 500 രൂപയായി വര്ദ്ധിപ്പിച്ചു’വെന്ന് ഇന്ത്യന് റെയില്വേ അറിയിച്ചു.
‘യാത്രക്കാര് സാധുവായ ടിക്കറ്റുമായി യാത്ര ചെയ്യാനും പിഴകള് ഒഴിവാക്കാനും റെയില്വേ നിയമങ്ങള് പാലിക്കാനും അഭ്യര്ത്ഥിക്കുന്നു’വെന്ന് പത്രക്കുറിപ്പില് പറയുന്നു.
പുതുക്കിയ സെക്ഷന് 137 പ്രകാരം, ശരിയായ ടിക്കറ്റോ പാസോ ഇല്ലാതെ യാത്ര ചെയ്തതായി കണ്ടെത്തിയാല്, യാത്ര ചെയ്ത ദൂരത്തിനുള്ള ബാധകമായ യാത്രാനിരക്കും, ആ യാത്രാനിരക്കിന് തുല്യമായ അധിക നിരക്കുകളും നല്കേണ്ടി വരും.
