കോഴിക്കോട് : വടകര കാഫിര് സ്ക്രീന്ഷോട്ട് കേസില് ഡിവൈഎഫ്ഐ നേതാവ് ജിതിന് ഭാസ്കറിനെ 14 ദിവസത്തേക്ക് റിമാന്ഡ് ചെയ്തു.വടകര ജുഡീഷ്യല് മജിസ്ട്രേറ്റ് കോടതിയുടേതാണ് നടപടി. തുടര്ന്ന് വടകര സബ് ജയിലിലേക്ക് മാറ്റി.
ഫോണ് പരിശോധിച്ചാല് സ്ക്രീന്ഷോട്ടിന്റെ ഉറവിടം കണ്ടെത്താം എന്ന പ്രതീക്ഷയില് ആയിരുന്നു പ്രത്യേക അന്വേഷണസംഘം. എന്നാല് ജില്ലാ ഫൊറന്സിക് സയന്സ് ലാബില് പരിശോധിച്ചപ്പോള് ജിതിന് ഭാസ്കര് ഫോണ് റീസെറ്റ് ചെയ്തെന്നു വ്യക്തമായി.കൂടുതല് പരിശോധനയ്ക്ക് ഫോണ് തിരുവനന്തപുരത്തെ സ്റ്റേറ്റ് ഫോറന്സിക് ലാബിലേക്ക് അയക്കും.
അതേസമയം, കാഫിര് സ്ക്രീന്ഷോട്ട് കേസ് പൊലീസ് വഴി തിരിച്ചുവിടുന്നു എന്ന് ആരോപിച്ച് സിപിഎം വടകര എസ്പി ഓഫീസിലേക്ക് പ്രകടനം നടത്തി.ചില പൊലീസുകാര് വിടുപണി ചെയ്യുന്നു.ഈ പൊലീസുകാരൊക്കെ വീടുകളിലേക്ക് പോകേണ്ട എന്ന് ഞങ്ങള് തീരുമാനിച്ചാല് അവര് പോവില്ലെന്നും സി പി എം സെക്രട്ടറി എം മെഹ്ബൂബ് പറഞ്ഞു.
