കോട്ടയം: നീറ്റ്-യുജി പരീക്ഷ നടക്കുന്ന കോട്ടയം ജില്ലയിലെ കേന്ദ്രങ്ങള് സന്ദര്ശിച്ച് ജില്ലാ കളക്ടര് ചേതന്കുമാര് മീണ ക്രമീകരണങ്ങള് വിലയിരുത്തി. വിദ്യാര്ത്ഥികളുടെ രജിസ്ട്രേഷനുള്ള സൗകര്യം, ക്ലാസ് മുറികളിലെ ക്രമീകരണങ്ങള്, കുടിവെള്ള സൗകര്യം, വൈദ്യസഹായം, സുരക്ഷ തുടങ്ങിയ കാര്യങ്ങള് വിലയിരുത്തി. ഞായറാഴ്ച രാവിലെ മുതല് നഗരത്തിലുള്പ്പെടെയുള്ള റോഡുകളില് ഗതാഗത തടസ്സമുണ്ടാകാതിരിക്കാനുള്ള നടപടികള് സ്വീകരിക്കണമെന്ന് കളക്ടര് പൊലീസിന് നിര്ദ്ദേശം നല്കി.
ജില്ലയില് പരീക്ഷ നടക്കുന്ന 25 കേന്ദ്രങ്ങളിലും പൊലീസിനു പുറമേ സി.ആര്.പി.എഫ്, ആര്പിഎഫ് എന്നിവയെയും നിയോഗിച്ചിട്ടുണ്ട്.
ബാങ്കുകളില് സൂക്ഷിച്ചിരിക്കുന്ന ചോദ്യപേപ്പര് സുരക്ഷയോടെ ഞായറാഴ്ച രാവിലെ പരീക്ഷാ കേന്ദ്രങ്ങളിലെത്തിക്കും. ഉച്ചയ്ക്ക് രണ്ടു മുതല് 5.15 വരെയാണ് പരീക്ഷ.
