കണ്ണൂര്: വാണിയപ്പാറ ഇന്ഫാന്റ് ജീസസ് പളളിയില് കല്ലറയിലെ ദുരൂഹതയെ തുടര്ന്ന് പൊലീസ് അന്വേഷണം തുടങ്ങി.
ഒരു കല്ലറയില് രണ്ട് മൃതദേഹം ഉളളതായാണ് സംശയം. കല്ലറ തുറന്നപ്പോള് ശവപ്പെട്ടിയോടൊപ്പം പായയില് പൊതിഞ്ഞ വസ്തു കണ്ടെത്തിയതാണ് ദുരൂഹതയുണര്ത്തിയത്. ഇത് മൃതദേഹമാണെന്നാണ് സംശയം.
നാട്ടുകാരന് ഫേസ്ബുക്ക് പോസ്റ്റിട്ടതോടെയാണ് സംഭവം പുറത്തറിഞ്ഞത്. ദുരൂഹത തോന്നിയപ്പോള് പോസ്റ്റിട്ടതാണെന്ന് ഫേസ്ബുക്ക് പോസ്റ്റിട്ട ജില്സ് ഉണ്ണിമാക്കല് പറഞ്ഞു.ക്രൈസ്തവ ആചാരപ്രകാരം ഒരു കല്ലറയില് രണ്ട് മൃതദേഹം അടക്കം ചെയ്യില്ല.
എന്നാല്, പള്ളിയാണ് പൊലീസിനെ വിവരം അറിയിച്ചതെന്ന് വികാരി ഫാ. ജില്ബര്ട്ട് കൊന്നയില് പ്രതികരിച്ചു. മൃതദേഹമെന്ന് സംശയം തോന്നിയാണ് പൊലീസിനെ അറിയിച്ചത്.പോസ്റ്റ്മോര്ട്ടം ചെയ്ത മൃതദേഹം ആണോ എന്ന് സംശയമുണ്ടെന്നും വികാരി പറഞ്ഞു. പൊലീസ് അന്വേഷണത്തോട് സഹകരിക്കുമെന്നും വികാരി അറിയിച്ചു.
