തിരുവനന്തപുരം: പ്രത്യേക യോഗമെന്ന നിലയിലല്ല വിവിധ വകുപ്പുകളിലെ ഉദ്യോഗസ്ഥരെ വിളിച്ചു ചേര്ത്തന്ന് ലോക്ഭവന് അറിയിച്ചു.യോഗാദിനത്തെ കുറിച്ചുള്ള ആശയവിനിമയം മാത്രമാണ് നടന്നതെന്നും ഗവര്ണറുടെ സെക്രട്ടറി, ചീഫ് സെക്രട്ടറിയെ ഔദ്യോഗികമായി അറിയിച്ചു.
ഇത്തരം ഒരു യോഗം ചേര്ന്നതിലുള്ള സര്ക്കാരിന്റെ അസംതൃപ്തി രേഖപ്പെടുത്തി ചീഫ് സെക്രട്ടറി കത്ത് നല്കിയ സാഹചര്യത്തിലാണ് ലോക്ഭവന് കാര്യം വിശദീകരിച്ചത്.ഉദ്യോഗസ്ഥരുമായി ബന്ധപ്പെട്ട യോഗങ്ങളോ അവലോകന യോഗങ്ങളോ സര്ക്കാരിന്റെ എക്സ്ക്യൂട്ടീവ് ചുമതലകളില്പ്പെട്ടതാണ്.അതിനാല് ഇനിയും ഇത്തരം യോഗങ്ങള് ഉണ്ടാവാതിരിക്കാന് ശ്രദ്ധിക്കണമെന്ന് സര്ക്കാര് ഗവര്ണറുടെ സെക്രട്ടറിക്ക് നല്കിയ കത്തില് പറഞ്ഞിരുന്നു.
അന്താരാഷ്ട്ര യോഗാദിനത്തിന്റെ ഒരുക്കം വിലയിരുത്താന് ഗവര്ണര് വിവിധ വകുപ്പുകളുടെ യോഗം വിളിച്ചു ചേര്ത്ത വിവരം മാധ്യമ വാര്ത്തകളിലൂടെയാണ് സര്ക്കാരിന്റെ ശ്രദ്ധയില്പ്പെട്ടതെന്ന് സര്ക്കാര് വൃത്തങ്ങള് പറഞ്ഞു. നേരത്തേ പ്രതിപക്ഷ നേതാവ് പിണറായി വിജയനും ഇക്കാര്യം ചൂണ്ടിക്കാട്ടി വിമര്ശനം ഉന്നയിച്ചിരുന്നു.
