കോട്ടയം: സുഡാനില് നിന്നെത്തിയ പാലാ സ്വദേശിനിക്ക് എബോള വൈറസ് രോഗബാധയുടെ പ്രാഥമിക ലക്ഷണങ്ങള് കണ്ടതിനെത്തുടര്ന്ന് നിരീക്ഷണത്തിലാക്കി. എബോള രോഗ നിര്ണയത്തിനുള്ള സംവിധാനം കേരളത്തില് ഇല്ലാത്തതിനാല് ഇവരുടെ സ്രവം പൂനെയിലെ നാഷണല് ലാബിലേക്ക് അയച്ചിരിക്കുകയാണ്. പരിശോധന ഫലം വന്നെങ്കില് മാത്രമെ സ്ഥിരീകരണം ഉണ്ടാകൂവെന്ന് അധികൃതര് അറിയിച്ചു.
സുഡാനില് ജോലി ചെയ്യുന്ന യുവതി അവധിക്കു നാട്ടിലെത്തിയപ്പോള് പനിയും ഛര്ദ്ദിയും ബാധിച്ചതിനെത്തുടര്ന്ന് പാലായിലെ സ്വകാര്യ ആശുപത്രിയില് ചികിത്സ തേടിയിരുന്നു. എന്നാല് രോഗലക്ഷണങ്ങളില് സംശയം തോന്നിയതിനെത്തുടര്ന്ന് ആരോഗ്യ വകുപ്പ് അധികൃതരുടെ നിര്ദേശപ്രകാരം കോട്ടയം മെഡിക്കല് കോളേജ് ആശുപത്രിയിലേക്കു മാറ്റുകയായിരുന്നു. എബോള രോഗം റിപ്പോര്ട്ട് ചെയ്തിട്ടുള്ള ആഫ്രിക്കയില് നിന്ന് എത്തുന്നവര് പനിയോ മറ്റു ലക്ഷണങ്ങളോ ഉണ്ടെങ്കില് ആരോഗ്യ വകുപ്പിനെ അറിയിക്കണമെന്ന നിര്ദേശമുണ്ട്. ഇവര് ദക്ഷിണ സുഡാനില് നിന്ന് ഉഗാണ്ടയിലേക്ക് പോകുകയും അവിടെ നിന്ന് കൊച്ചിയില് എത്തുകയുമായിരുന്നു.
തുടര്ചികിത്സയ്ക്കായി പകര്ച്ചവ്യാധി വിഭാഗം മേധാവിയുടെ നേതൃത്വത്തില് മെഡിക്കല് ബോര്ഡ് രൂപീകരികരിച്ചു.
സുഡാനില് നിന്നെത്തിയ പാലാ സ്വദേശിനിക്ക് എബോള ലക്ഷണങ്ങള്, പരിശോധന ഫലം കാത്ത് ആരോഗ്യ വകുപ്പ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.