കൊച്ചി:കരിമണല്‍ കമ്പനി സിഎംആര്‍എലും പിണറായി വിജയന്റെ മകള്‍ വീണ ടിയുടെ എക്‌സാലോജിക് കമ്പനിയുമായുളള ഇടപാടില്‍ വീണയെ ഇഡി വീണ്ടും ചോദ്യം ചെയ്യും. ഇതിനായി ഉടന്‍ തന്നെ വീണയ്‌ക്ക് സമന്‍സ് നല്‍കുമെന്നാണ് വിവരം.
കൊച്ചിയിലെ ഇഡി ഓഫീസില്‍ കഴിഞ്ഞ ദിവസം ഒമ്പത് മണിക്കൂറോളം വീണയെ ചോദ്യം ചെയ്തിരുന്നു. ചോദ്യം ചെയ്യലില്‍ ലഭിച്ച മറുപടികളില്‍ പലതും തൃപ്തികരമല്ലെന്നാണ് ഇഡി വിലയിരുത്തല്‍.
സിഎംആര്‍എല്ലിന് ഏതെങ്കിലും തരത്തിലുള്ള സേവനങ്ങള്‍ നല്‍കിയതായി തെളിയിക്കുന്ന രേഖകളൊന്നും ഹാജരാക്കാന്‍ വീണയ്‌ക്ക് കഴിഞ്ഞിട്ടില്ലെന്നാണ് അറിയുന്നത്.സേവനം നല്‍കാതെ കോടികള്‍ കൈപ്പറ്റിയത് പിണറായിക്കുളള കോഴയെന്നാണ് ആരോപണം.
