കോട്ടയം: ഏറ്റുമാനൂര് മഹാദേവക്ഷേത്രത്തിലെ അഞ്ച് നൂറ്റാണ്ടോളം പഴക്കമുളള വലിയ വിളക്ക് എന്ന കെടാവിളക്ക് ചൊവ്വാഴ്ച രാവിലെ പൊട്ടിവീണു. വിളക്ക് തൂക്കിയിട്ടിരുന്ന ചങ്ങലയിലെ കൊളുത്ത് കാലപ്പഴക്കം കൊണ്ട് കരിയും പുകയും പിടിച്ച് തുരുമ്പിച്ച് വിട്ടുപോയതാണ് പൊട്ടിവീഴാന് കാരണം.
ക്ഷേത്രത്തിലെ പ്രധാന വാതിലിനും ഇളക്കം സംഭവിച്ചു. ഇളകിയ വാതില് വീണാണ് വിളക്കിന് കേട് സംഭവിച്ചതെന്നാണ് പറയുന്നത്.
ക്ഷേത്രത്തോളം തന്നെ പഴക്കവും മഹിമയും ചരിത്രവുമുണ്ട് ഭക്തജനങ്ങള് അതീവപവിത്രമായി കരുതുന്ന വിളക്കിന്. 1540 ല് സ്ഥാപിച്ചതാണ് കെടാവിളക്ക്. പ്രധാന കവാടത്തിലെ ബലിക്കല്ലിന് മുന്നിലാണ് കെടാവിളക്ക് സ്ഥാപിച്ചിരിക്കുന്നത്. ക്ഷേത്രത്തിലെ പ്രധാന വഴിപാടുകളില് ഒന്നാണ് വലിയവിളക്കില് എണ്ണ ഒഴിക്കുന്നത്. നിലവില് സ്റ്റീല് പീഠം വച്ച് അതിനു മുകളില് തടിവച്ചാണ് വിളക്ക് വച്ചിരിക്കുന്നത്.
