,ലോകകപ്പ് ഫുട്ബോളില് അര്ജന്റീന ആദ്യ മത്സരത്തിനിറങ്ങുമ്പോള് ടീം നായകന് ലയണല് മെസി കളിക്കുക കരിയറിലെ 200-ാം അന്താരാഷ്ട് മത്സരമായിരിക്കും. സന്നാഹ മത്സരത്തില് ഐസ്ലന്ഡിനെതിരെ പകരക്കാരനായി ഇറങ്ങിയ മത്സരത്തിലൂടെ അര്ജന്റീന കുപ്പായത്തില് സൂപ്പര് താരം 199 മത്സരങ്ങള് തികച്ചിരുന്നു. ഇത്രയും മത്സരങ്ങളില് നിന്ന് നേടിയിരക്കുന്നത് 117 ഗോളുകള്. ഗോളവസരങ്ങള് സൃഷ്ടിച്ചിരിക്കുന്നത് 64 തവണ. ആകെ കളിച്ച സമയം 16,380 മിനിറ്റ്. അര്ജന്റീനയ്ക്കൊപ്പം രണ്ട് കോപ്പ അമേരിക്ക കിരീടവും(2021, 2024) 2022 ഫൈനലിസിമ കിരീടവും 2022 ഖത്തര് ലോകകപ്പും ഇതുവരെ നേടിയിട്ടുണ്ട്.
നാളെ വെളുപ്പിന് 6.30ന് നടക്കുന്ന മത്സരത്തിലൂടെ മെസി കരിയറിലെ 27-ാം ലോകകപ്പ് മത്സരത്തിനായാണ് ഇറങ്ങുന്നത്. ഇതുവരെ 26 മത്സരങ്ങള് കളിച്ച് ഏറ്റവും കൂടുതല് ലോകകപ്പ് മത്സരങ്ങള് കളിച്ച താരം എന്ന റിക്കാര്ഡിന് ഉടമയാണ്. പോര്ച്ചുഗല് താരം ക്രിസ്റ്റിയാനോ റൊണാള്ഡോ, മെക്സിക്കന് ഗോള്കീപ്പര് ഗില്ലര്മോ ഒച്ചോവ എന്നിവര്ക്കൊപ്പം ആറാം ലോകകപ്പ് കളിക്കുന്ന താരം കൂടിയാണ് മെസി.
