തിരുവനന്തപുരം: ആഭ്യന്തര മന്ത്രി രമേശ് ചെന്നിത്തലയുടെ പേഴ്സണല് സ്റ്റാഫില് കഞ്ചാവ് കേസിലെ പ്രതിയുടെ സഹോദരനെ നിയമിച്ചെന്ന് ഡി വൈ എഫ് ഐ സംസ്ഥാന സെക്രട്ടറി വി കെ സനോജ് എം എല് എ.നഹാസ് പത്തനംതിട്ട എന്ന യൂത്ത് കോണ്ഗ്രസ് നേതാവിനെയാണ് പേഴ്സണല് സ്റ്റാഫില് നിയമിച്ചത്. കഞ്ചാവ് കേസ് നന്നായി അന്വേഷിച്ചാല് നഹാസ് കേസില് പ്രതിയാകും. ഓപ്പറേഷന് തൂഫാന് നേതൃത്വം കൊടുക്കുന്ന ഓഫീസിലാണ് കഞ്ചാവ് കേസിലെ പ്രതിയുടെ ബന്ധുവിനെ നിയമിച്ചതെന്നും അദ്ദേഹം കുറ്റപ്പെടുത്തി.
യുഡിഎഫ് സര്ക്കാര് നിയമനങ്ങളില് സ്വന്തക്കാരെ കുത്തി തിരുകുന്നുവെന്ന് പറഞ്ഞ സനോജ് ഇത് ആര് എസ് എസ് -യു ഡി എഫ് ഡീലിന്റെ ഭാഗമാണെന്നും ആരോപിച്ചു. ബി.അശോകിനെ എന്ത് ഡീലിന്റെ ഭാഗമായാണ് ഉന്നത വിദ്യഭ്യാസ സെക്രട്ടറിയായി നിയമിച്ചത്. ബി. അശോകിന്റെ മുന് നിലപാട് പരിശോധിച്ചാല് അയാള് സംഘപരിവാറുകാരനാണെന്ന് മനസിലാകും.
ആര് എസ് എസ് പരിപാടിയില് സര്വകലാശാല വിസി മാര് പങ്കെടുത്തത് എന്ത് അടിസ്ഥാനത്തിലാണ്.യുഡിഎഫ് ആര് എസ് എസുമായി നടത്തുന്ന ഡീല് ഓരോ ദിവസവും പുറത്ത് വരികയാണെന്നും സനോജ് കുറ്റപ്പെടുത്തി. വിസിമാര് മാപ്പ് പറയാന് അവശ്യപ്പെട്ടതു കൊണ്ട് മാത്രമായില്ല.
