തിരുവനന്തപുരം: ആരോഗ്യവകുപ്പ് മുന്‍ ഡയറക്ടര്‍ ഡോ. കെ ജെ റീനയെ മാറ്റിയ നടപടിയിലെ ഉത്തരവ് സര്‍ക്കാര്‍ തിരുത്തി.15 ദിവസം അവധി എടുത്തെന്ന പരാമര്‍ശം ഒഴിവാക്കി പുതിയ ഉത്തരവിറക്കി.
തുടര്‍ച്ചയായി അവധി എടുത്തെന്നും മൂന്നുവര്‍ഷ കാലാവധി പൂര്‍ത്തീകരിച്ചെന്നും കാട്ടിയാണ് സര്‍ക്കാര്‍ നടപടിയെടുത്തത്.ഇതിന് പിന്നാലെ, ഡോ. കെ ജെ റീന രണ്ട് ദിവസം അവധിക്കായി അപേക്ഷിച്ചതിന്റെ രേഖ പുറത്ത് വന്നു. 15 ദിവസം അവധിയെടുത്തു എന്ന് സര്‍ക്കാര്‍ ഉത്തരവില്‍ പരാമര്‍ശിച്ചതിന് വിരുദ്ധമായ രേഖകളാണ് പുറത്തുവന്നത്.സര്‍ക്കാരുമായി സഹകരിച്ചു പോകണമെന്നും ഡിഎച്ച്എസ് ഏകപക്ഷീയമായി തീരുമാനമെടുത്തെന്നും മന്ത്രി കെ മുരളീധരന്‍ വിമര്‍ശിക്കുകയുണ്ടായി.
അതേസമയം മന്ത്രിയുടെ വിശദീകരണം ഡാ കെ ജെ റീന നിഷേധിച്ചു.ദേവസ്വം വകുപ്പിന് ഡോക്ടര്‍മാരെ നല്‍കില്ലെന്ന് പറഞ്ഞിട്ടില്ലെന്നും കത്ത് നല്‍കിയത് ദേവസ്വം കമ്മീഷണറുടെ നിര്‍ദ്ദേശപ്രകാരമെന്നും പറഞ്ഞു.
മൂന്ന് വര്‍ഷമായി ആരോഗ്യവകുപ്പ് ഡയറക്ടര്‍ സ്ഥാനത്ത് തുടരുന്ന കെ ജെ റീനയെ പബ്ലിക് ഹെല്‍ത്ത് ലാബ് ഡയറക്ടറായി എറണാകുളത്തേക്കാണ് സ്ഥലംമാറ്റിയത്. വകുപ്പുമായി ആലോചിക്കാതെ തീരുമാനങ്ങള്‍ എടുത്തതിനാണ് നടപടിയെന്നും ആരോഗ്യമന്ത്രി കെ മുരളീധരന്‍ പറഞ്ഞു.
