ടെഹ്റാന്: അമേരിക്കയുമായി സമാധാന കരാര് ഒപ്പിടുന്നതിനെച്ചൊല്ലി ഇറാനില് കലാപം. വടക്കുകിഴക്കന് നഗരമായ മഷാദിലെ വിദേശകാര്യ മന്ത്രാലയ ഓഫീസിന് മുന്നില് ഒട്ടേറെപ്പേര് പ്രതിഷേധിച്ചു. കരാര് ഇറാന്റെ താല്പ്പര്യങ്ങള് സംരക്ഷിക്കില്ലെന്നും ഹോര്മുസ് കടലിടുക്കിന് മേലുള്ള സ്വാധീനം ഇല്ലാതാക്കുമെന്നുമാണ് പ്രതിഷേധക്കാരുടെ വാദം. സമാധാന കരാര് യാഥാസ്ഥിതിക ഇറാനിയന് നേതാക്കളില് നിന്നും കടുത്ത എതിര്പ്പാണ് നേരിടുന്നത്.
മേരിക്കയുമായി സമാധാന കരാര് ഒപ്പിടുന്നതിനെക്കുറിച്ച് നടത്തിയ ടെലിവിഷന് അഭിമുഖത്തെത്തുടര്ന്ന് നയതന്ത്രജ്ഞന് അബ്ബാസ് അരഗ്ചിക്കെതിരെയും പ്രതിഷേധക്കാര് മുദ്രാവാക്യംവിളിച്ചു.
കറുത്ത വസ്ത്രം ധരിച്ച സ്ത്രീകളടക്കമുള്ളവര് മന്ത്രാലയത്തിന് മുന്നില്നിന്ന് പതാകകള് വീശി ‘ഇറാന് അപമാനമായ അരാഗ്ചിക്ക് മരണം’ എന്ന് അലറിവിളിക്കുന്ന വീഡിയോ വാര്ത്താ ഏജന്സി പുറത്തുവിട്ടു.
