മെക്സിക്കോ സിറ്റി: ഒരു ലോകകപ്പ് മത്സരത്തിന് ഒഴിഞ്ഞ സീറ്റുകളോ? അദ്ഭുതപ്പെടുത്തുന്ന കാര്യം. എന്നാല്, അമേരിക്കയില് സംഗതി സത്യമാണ്. കഴിഞ്ഞദിവസം മെക്സിക്കോയിലെ ഗുവാഡലാജറയില് നടന്ന ദക്ഷിണ കൊറിയ- ചെക്ക് റിപ്പബ്ലിക് മത്സരത്തില് നിരവധി സീറ്റുകള് കാലിയായിരുന്നു.
50000ത്തോളം കാണികളെ ഉള്ക്കൊള്ളാവുന്ന സ്റ്റേഡിയത്തില് 44985 പേര് മാത്രമാണ് എത്തിയത്. ആരാധകര്ക്ക് താങ്ങാനാവുന്നതിനും അപ്പുറമുള്ള ടിക്കറ്റ് നിരക്കാണ് ഇതിന് കാരണമെന്നാണ് റിപ്പോര്ട്ട്. 2022ല് ഖത്തറില് നടന്ന ലോകകപ്പിലെ ടിക്കറ്റിനേക്കാള് വലിയ വര്ദ്ധനവാണ് ഇപ്പോഴുണ്ടയിരിക്കുന്നത്. എന്നാല് ഈ വില വര്ദ്ധന മറ്റു പ്രധാന കായിക ഇവന്റുകളിലുള്ള ടിക്കറ്റ് വിലയ്ക്ക് തുല്യമാണെന്നും ഫിഫ പ്രസിഡന്റ് ജിയാനി ഇന്ഫാന്റിനോ ന്യായീകരിച്ചു. ഇതോടെ ഫിഫയുടെ ലോകകപ്പ് വാണിജ്യവല്ക്കരണത്തെക്കുറിച്ച് വലിയ ആശങ്കകളാണ് കാണികള് പങ്കുവയ്ക്കുന്നത്.
