തിരുവനന്തപുരം: നേമം (തിരുവനന്തപുരം സൗത്ത്) ടെർമിനൽ പദ്ധതി വേഗത്തിലാക്കാൻ ഉടനടി നടപടി സ്വീകരിച്ച പ്രധാനമന്ത്രി നരേന്ദ്രമോദിക്കും കേന്ദ്ര റെയിൽവേ മന്ത്രി അശ്വിനി വൈഷ്ണവിനും നന്ദി പറഞ്ഞ് നേമം എം എൽ എ രാജീവ് ചന്ദ്രശേഖർ. മാസ്റ്റർ പ്ലാൻ പുനഃപരിശോധിക്കാനും, രണ്ടും മൂന്നും ഘട്ടങ്ങൾ കൂടി ഒരുമിച്ച് നടപ്പാക്കാനുമുള്ള റെയിൽവേ മന്ത്രാലയത്തിന്റെ തീരുമാനം നേമത്തെയും തിരുവനന്തപുരത്തെയും ജനങ്ങളെ സംബന്ധിച്ച് ഏറെ സന്തോഷം പകരുന്ന വാർത്തയാണെന്നും രാജീവ് ചന്ദ്രശേഖർ ഫേസ്ബുക്കിൽ കുറിച്ചു.
ഫേസ്ബുക്ക് പോസ്റ്റ്:
നേമത്തെയും തിരുവനന്തപുരത്തെയും ജനങ്ങൾക്ക്‌ ഒരു സന്തോഷവാർത്ത!
എന്റെ അഭ്യർത്ഥന പരിഗണിക്കുകയും, നേമം (തിരുവനന്തപുരം സൗത്ത്) ടെർമിനൽ പദ്ധതി വേഗത്തിലാക്കാൻ ഉടനടി നടപടി സ്വീകരിക്കുകയും ചെയ്ത പ്രധാനമന്ത്രി ശ്രീ Narendra Modi ജിക്കും കേന്ദ്ര റെയിൽവേ മന്ത്രി ശ്രീ Ashwini Vaishnaw ജിക്കും ഹൃദയം നിറഞ്ഞ നന്ദി.
ടെർമിനലിനായി ആദ്യം തയ്യാറാക്കിയ മാസ്റ്റർ പ്ലാനിൽ നിർഭാഗ്യവശാൽ ചില മാറ്റങ്ങളുണ്ടായതിനെ തുട‍ന്ന് പദ്ധതിയുടെ രണ്ടും മൂന്നും ഘട്ടങ്ങൾ വർഷങ്ങളോളം വൈകുന്ന അവസ്ഥയിലേക്ക് കാര്യങ്ങൾ എത്തിയിരുന്നു.
ഈ വിഷയം ചർച്ച ചെയ്യുന്നതിനായി റെയിൽവേ പാസഞ്ചർ അമിനിറ്റീസ് കമ്മിറ്റി മുൻ ചെയർമാൻ ശ്രീ P K Krishnadas ജിക്കൊപ്പം ഞാൻ അടുത്തിടെ റെയിൽവേ മന്ത്രി അശ്വിനി വൈഷ്ണവ് ജിയെ കണ്ടിരുന്നു.
ഇതേത്തുടർന്ന് മാസ്റ്റർ പ്ലാൻ പുനഃപരിശോധിക്കാനും, രണ്ടും മൂന്നും ഘട്ടങ്ങൾ കൂടി ഒരുമിച്ച് നടപ്പാക്കാനുമുള്ള റെയിൽവേ മന്ത്രാലയത്തിന്റെ തീരുമാനം നേമത്തെയും തിരുവനന്തപുരത്തെയും ജനങ്ങളെ സംബന്ധിച്ച് ഏറെ സന്തോഷം പകരുന്ന വാർത്തയാണ്.
അഞ്ച് പിറ്റ് ലൈനുകളും പത്ത് സ്റ്റേബ്ലിംഗ് ലൈനുകളുമുള്ള ഈ പദ്ധതി തിരുവനന്തപുരത്തെ റെയിൽവേ വികസനത്തിൽ വലിയൊരു വഴിത്തിരിവാകും. #VikasitaNemom, #VikasitaKeralam എന്നീ ലക്ഷ്യങ്ങളിലേക്കുള്ള സുപ്രധാനമായ ചുവടുവെപ്പ് കൂടിയാണിത്.
