തിരുവനന്തപുരം: ബിജെപി കൗണ്സിലര് സുഗതന്റെ വീട്ടില് പോലീസ് അതിക്രമിച്ച് കയറി ആകാശത്തേക്ക് വെടിവെച്ച് അറസ്റ്റ് ചെയ്ത സംഭവത്തില് ആഭ്യന്തര മന്ത്രി രമേശ് ചെന്നിത്തലയെ തള്ളി ആരോഗ്യ മന്ത്രി കെ. മുരളീധരന്.
ആവശ്യമില്ലാത്ത വെടിയൊച്ചയാണ് തന്റെ മണ്ഡലത്തില് ഉണ്ടായതെന്നും വെടിയുടെ ശബ്ദം നിര്ത്തേണ്ടണ്ട സമയമായെന്നും മന്ത്രി കെ. മുരളീധരന് പറഞ്ഞു. അനാവശ്യമായ ആശങ്ക പോലീസ് ഉണ്ടാക്കരുത്. വെടിവെപ്പ് കഴിഞ്ഞ സര്ക്കാരിന്റെ കാലത്താണ് നടത്തിയിരുന്നത്. ഇപ്പോള് അതിന്റെ ആവശ്യമില്ലെന്നും കെ.മുരളീധരന് പറഞ്ഞു.
കൗണ്സിലര് ആര്. സുഗതനെ അറസ്റ്റ് ചെയ്തതില് പോലീസിനെ അഭിനന്ദിച്ച് ആഭ്യന്തര മന്ത്രി രമേശ് ചെന്നിത്തല രംഗത്തെത്തിയിരുന്നു. ആകാശത്തേക്ക് വെടിവെച്ച് പിടികൂടിയ പോലീസ് ഉദ്യോഗസ്ഥരെ അഭിനന്ദിക്കുന്നതായി ആഭ്യന്തര മന്ത്രി പറഞ്ഞിരുന്നു.
