ചെന്നൈ: തമിഴ്ടാട്ടില് ജോസഫ് വിജയിന്റെ പാര്ട്ടിയായ ടിവികെയുടെ വിദ്യാഭ്യാസമന്ത്രിയെ കാണാന് എത്തിയ റാപ് ഗായകന് വേടനെയും ടിവികെയുടെ മന്ത്രിയെയും ശക്തമായി വിമര്ശിച്ച് ഗായിക ചിന്മയി ശ്രീപാദ. വ്യാഴാഴ്ചയാണ് തമിഴ്നാട് വിദ്യാഭ്യാസമന്ത്രി രാജ് മോഹനെ കാണാന് ഹിരണ്ദാസ് മുരളി എന്ന പേരുള്ള വേടന് എത്തിയത്.
തമിഴ്നാട്ടിലെ ടിവികെ മന്ത്രി രാജ് മോഹനൊപ്പം റാപ്പര് വേടന്
மாண்புமிகு பள்ளிக்கல்வி, தமிழ் வளர்ச்சி, செய்தி மற்றும் விளம்பரத் துறை அமைச்சர் திரு. ராஜ்மோகன் அவர்களை ராப் இசைப் பாடகர் மற்றும் பாடலாசிரியருமான வேடன் என்கிற திரு. ஹிரந்தாஸ் முரளி அவர்கள் மரியாதை நிமித்தமாக சந்தித்தார்.#CMJosephVijay | #TNDIPR | @TVKVijayHQ |@imrajmohan | pic.twitter.com/Io3Bokci5t
— TN DIPR (@TNDIPRNEWS) June 10, 2026
പല സ്ത്രീകളെയും ലൈംഗിമായി പീഡിപ്പിച്ചിട്ടുള്ള സ്ത്രീപീഡകനായ വേടനെ സ്വീകരിച്ചതു വഴി ഡിഎംകെയും വിജയിന്റെ ടിവികെയും തമ്മില് വ്യത്യാസമില്ലെന്ന് മനസ്സിലായെന്ന് ചിന്മയി പറഞ്ഞു. സമൂഹമാധ്യമ പോസ്റ്റിലായിരുന്നു ചിന്മയിയുടെ ഈ വിമര്ശനം. “വേടനും ഞാനും ഗോവിന്ദ് വസന്തയും ചേര്ന്ന് കോവിഡ് കാലത്ത് ഒരു ഗാനം പ്ലാന് ചെയ്തിരുന്നു. പക്ഷെ ആയിടെ മലയാളം ക്ലബ് ഹൗസില് നടന്ന ഒരു ചര്ച്ചയ്ക്കിടിയില് ഒരു മലയാളി പെണ്കുട്ടി എന്നോട് ഒരു ചോദ്യം ചോദിച്ചു. സ്ത്രീപീഢകനായ വേടനുമായി എങ്ങിനെ നിങ്ങള്ക്ക് വര്ക്ക് ചെയ്യാന് കഴിയുന്നു എന്നായിരുന്നു ആ പെണ്കുട്ടിയുടെ ചോദ്യം”. -ചിന്മയ ശ്രീപാദ തന്റെ പോസ്റ്റില് കുറിച്ചു.
“തനിക്ക് വേടനെതിരായ ആരോപണങ്ങളെക്കുറിച്ച് അറിയില്ലായിരുന്നു. പക്ഷെ പിന്നീട് വേടന് ചെയ്ത തെറ്റിന് മാപ്പ് പറഞ്ഞതായി അറിഞ്ഞു. അന്ന് വേടനുമൊന്നിച്ചുള്ള ആ പ്രൊജക്ടില് നിന്നും ഞാന് ഒഴിവായി. വേടനുമായി വന്ന സ്റ്റേജ് പരിപാടിയെല്ലാം വന്സാമ്പത്തിക നഷ്ടമായിരുന്നിട്ടും ഞാന് ഒഴിവാക്കി. വേടനെതിരെ പരാതി പറഞ്ഞ പെണ്കുട്ടികള് തഴയപ്പെട്ടപ്പോഴും വേടന് നിറയെ പരിപാടികള് കിട്ടി. വേടന് ഹീറോ ആയി വാഴ്ത്തപ്പെട്ടപ്പോള് വേടന്റെ ആക്രമണത്തിനിരയായ പെണ്കുട്ടികള് വലിച്ചെറിയപ്പെട്ടു”. – ചിന്മയി കുറിച്ചു.
നേരത്തെ സ്റ്റാലിന്റെ മകന് ഉദയനിധി സ്റ്റാലിന് വേടനൊപ്പം നില്ക്കുന്ന മറ്റൊരു ചിത്രവും ചിന്മയി പങ്കവെച്ചു. സ്റ്റാലിന് സര്ക്കാരും വിജയ് സര്ക്കാരും ഒരേ തൂവല് പക്ഷിയാണെന്ന് പറയാനായിരുന്നു ഇത്.
