ന്യൂദല്ഹി: വാഹനാപകട ഇന്ഷുറന്സ് ക്ലെയിമുകളില് വീട്ടമ്മമാരുടെ ശമ്പളം പ്രതിമാസം കുറഞ്ഞത് 30,000 രൂപയായി പരിഗണിക്കാമെന്ന് സുപ്രിം കോടതി. ഗാര്ഹിക സേവനങ്ങളുടെ മൂല്യം കണക്കാക്കുമ്പോള് അത്രയുമെങ്കിലും അവര് അര്ഹിക്കുന്നുവെന്ന് ജസ്റ്റിസുമാരായ സഞ്ജയ് കരോള്, എന്. കോടിശ്വര് സിംഗ് എന്നിവരടങ്ങിയ ബെഞ്ച് നിരീക്ഷിച്ചു.
‘മനുഷ്യന്റേയും രാഷ്ട്രത്തിന്റേയും വളര്ച്ചയ്ക്ക് വീട്ടമ്മയും സംഭാവന നല്കുന്നുണ്ട്. വീട്ടമ്മയാണ് രാഷ്ട്രം കെട്ടിപ്പടുക്കുന്നത്. വീട്ടമ്മയുടെ വേര്പാടില് പ്രതിമാസ വരുമാന നഷ്ടം ഏത് സാഹചര്യത്തിലും പ്രതിമാസം 30,000 രൂപ ആയിരിക്കുമെന്ന് ഞങ്ങള് കണക്കാക്കുന്നു. ‘ ജസ്റ്റിസ് കരോള് പറഞ്ഞു.
മോട്ടോര് ആക്സിഡന്റ്സ് ക്ലെയിംസ് ട്രൈബ്യൂണല് അനുവദിച്ച 2,50,000 രൂപയുടെ നഷ്ടപരിഹാരം കോടതി 6 ലക്ഷം രൂപയായി ഉയര്ത്തുകയും ചെയ്തു.
2006 ജൂണ് 26 ന് വാഹനാപകടത്തില് മരിച്ച യുവതിയുടെ ഭര്ത്താവും മക്കളും നല്കിയ ഹര്ജിയിലാണ് ഈ വിധി.
