തിരുവനന്തപുരം: വി ജോയി എം എല് എയെ സിപിഎം തിരുവനന്തപുരം ജില്ലാ സെക്രട്ടറിയാക്കി വീണ്ടും നിയോഗിച്ചത് ശക്തമായ എതിര്പ്പ് നേരിട്ട ശേഷം.ജില്ലാ കമ്മിറ്റി അംഗങ്ങളായ രാജേന്ദ്ര കുമാര്, ജയദേവന്, മടവൂര് അനില് എന്നിവരാണ് എതിര്ത്തത്.
വി ശിവന്കുട്ടിയെ ജില്ലാ സെക്രട്ടറിയാക്കണമെന്നായിരുന്നു ഇവരുടെ ആവശ്യം. തദ്ദേശ തെരഞ്ഞെടുപ്പില് മത്സരിച്ച ഏരിയ സെക്രട്ടറിമാരെ മാറ്റിയവര് ജില്ലാ സെക്രട്ടറിയുടെ കാര്യത്തില് മൗനം പാലിക്കുന്നതെന്താണെന്ന് ഇവര് ചോദിച്ചു.
നേരത്തേ മുന് എം എല് എ കടകംപളളി സുരേന്ദ്രനും വി ജോയിയെ ജില്ലാ സെക്രട്ടറി ആക്കുന്നതില് എതിര്പ്പുയര്ത്തിയിരുന്നു. ശിവന്കുട്ടിയും എതിര്പ്പുന്നയിച്ചു.
എന്നാല് ജില്ലാ സെക്രട്ടറി സ്ഥാനത്തേക്കുള്ള തിരിച്ചു വരവുമായി ബന്ധപ്പെട്ട് വിവാദങ്ങള് ഇല്ലെന്നാണ് വി ജോയിയുടെ പ്രതികരണം.സെക്രട്ടറിസ്ഥാനം തുടരാന് പാര്ട്ടി നിര്ദ്ദേശിക്കുകയായിരുന്നു.താന് നേരത്തെ ജില്ലാ സെക്രട്ടറിയാകുന്ന സമയത്തും എംഎല്എ ആയിരുന്നു അല്ലാതെ പുതുതായി വന്നയാളല്ല. വി ശിവന്കുട്ടിക്ക് ഇന്നലെ തന്നെ ചില ശാരീരിക അസ്വസ്ഥതകള് ഉണ്ടായിരുന്നു. അതിനാല് ഇന്നത്തെ യോഗത്തില് പങ്കെടുത്തില്ലെന്ന് വി ജോയ് പറഞ്ഞു.
അതേസമയം, ജില്ലാ സെക്രട്ടറിയെ നിശ്ചയിക്കുന്നത് സംബന്ധിച്ച വാര്ത്ത ചോര്ന്നതില് സിപിഎം തിരുവനന്തപുരം ജില്ലാ കമ്മിറ്റിയില് വിമര്ശനം ഉയര്ന്നു. സംസ്ഥാന സമിതി അംഗങ്ങള് മാത്രം പങ്കെടുത്ത യോഗ തീരുമാനം എങ്ങനെ പുറത്ത് പോയെന്ന് ജില്ലാ കമ്മിറ്റിയില് ചോദ്യം ഉയര്ന്നു.
നിയമസഭാ തെരഞ്ഞെടുപ്പില് വര്ക്കലയില് സ്ഥാനാര്ത്ഥിയായപ്പോഴാണ് വി ജോയിയെ മാറ്റി രാജ്യസഭാംഗം എ എ റഹീമിനെ താത്കാലികമായി ജില്ലാ സെക്രട്ടറിയാക്കിയത്.
