ബംഗളൂരു: റാലിക്കിടെ കർണാടക മുഖ്യമന്ത്രി ഡി.കെ ശിവകുമാർ ആപ്പിൾ കടിച്ചതിന് ശേഷം അണികൾക്കിടയിലേക്ക് എ റിയുന്നതിന്റെ വീഡിയോ സോഷ്യൽ മീഡിയയിൽ വെെറലാകുന്നു. കനകപുരയിലെ ഒരു പ്രധാന നഗരമായ ഹരോഹള്ളിയിൽ മുഖ്യമന്ത്രിയായ സന്തോഷം അണികളുമായി പങ്കുവയ്ക്കുന്നതിനിടെയാണ് കടിച്ച ആപ്പിൾ ജനക്കൂട്ടത്തിന് നേരെ എറിയുന്നത്. വീഡിയോയ്ക്ക് ഓൺലൈനിൽ സമ്മിശ്ര പ്രതികരണങ്ങളാണ് ലഭിച്ചത്.
അനുയായികളും പ്രാദേശിക പ്രവർത്തകരും ഒത്തുചേർന്ന റാലിക്കിടെ ആപ്പിളും പൂക്കളും കൊണ്ട് നിർമ്മിച്ച മാല മുഖ്യമന്ത്രിക്ക് സമ്മാനിച്ചു. നൂറുകിലോയിൽ അധികം ഭാരമുള്ള മാല ഹൈഡ്രോളിക് ക്രെയിൻ ഉപയോഗിച്ചാണ് മുഖ്യമന്ത്രിയുടെ അടുത്തെത്തിച്ചത്. ഇതോടെ ആവേശം കേറിയ ഡി.കെ മാലയിൽ നിന്നും ആപ്പിളുകൾ പറിച്ചെടുത്ത് കടിച്ചിട്ട് അണികൾക്ക് നേരെ എറിയുകയായിരുന്നു. ഇത് ചാടിപ്പിക്കാൻ അണികൾ തിക്കിതിരക്കുന്നതും വീഡിയോയിൽ ഉണ്ട്.
ബിജെപി നേതാവ് അശോക് ഗൗഡ ഉൾപ്പടെ ഡി കെ ശിവകുമാറിനെ വിമർശിച്ച് രംഗത്തെത്തിയിട്ടുണ്ട്. മറ്റാരെങ്കിലും കടിച്ച ആപ്പിൾ നിങ്ങൾ കഴിക്കുമോയെന്ന് അശോക് ചോദിച്ചു. ജനങ്ങളുടെ സേവകനാണ് മുഖ്യമന്ത്രിയെന്ന് ഓർക്കണമെന്നും പലരും അഭിപ്രായപ്പെട്ടു. സത്യം പറഞ്ഞാൽ, ഇത് നേതൃത്വമല്ല; വളർത്തുമൃഗങ്ങളെപ്പോലെ ആളുകളെ പരിഗണിക്കുന്ന ഒരു ഫ്യൂഡൽ അവശിഷ്ടമാണിത്. പകുതി തിന്ന, ഉമിനീരിൽ കുതിർന്ന ആപ്പിൾ ഒരു ജനക്കൂട്ടത്തിലേക്ക് എറിയുന്നത് ശുദ്ധമായ വിഡ്ഢിത്തമാണ്. ഇത് രാജവാഴ്ചയെയാണ് കാണിക്കുന്നത്. തികച്ചും അപമാനകരമാണ് – കമൻ്റുകൾ ഇങ്ങനെ പോകുന്നു.
മുഴുവൻ രാജ്യത്തിനും വെറുപ്പുളവാക്കുന്നതും അപമാനകരവുമാണ്…. അവന്റെ വൃത്തികെട്ട വായിലെ ബാക്ടീരിയകൾ എല്ലായിടത്തും വ്യാപിപ്പിക്കുന്നു. ആളുകൾ എന്തിനാണ് ഈ ജനവിരുദ്ധർക്ക് വോട്ട് ചെയ്യുന്നത്?” ഒരു ഉപയോക്താവ് ചോദിക്കുന്നു.
విమర్శలకు దారి తీస్తున్న కర్ణాటక కాంగ్రెస్ సీఎం డీకే శివకుమార్ చర్యలు
కనకపుర పర్యటనలో భాగంగా సగం యాపిల్ కొరికి కార్యకర్తల మీదికి విసిరేసిన డీకే శివకుమార్
రాచరికపు పోకడలు అంటూ ప్రజల విమర్శలు https://t.co/gdKhQfasbV pic.twitter.com/PkFdbvjYEv
— Mirror TV (@MirrorTvTelugu) June 9, 2026
